Video
Read full review
2018-11-28
50 views
今日放工約咗朋友喺大圍等， 所以我哋就去咗金龍冰室食飯👭。一入到去覺得裝修真係超靚😍， 啲枱同埋櫈都係好少女心嘅天藍色💙，完全啱曬我哋去打卡影相📷。因為太耐冇食過意粉，所以我就叫咗個卡邦尼意粉，佢仲跟餐送咗羅宋湯同埋鮮果沙律😋。個意粉真係好好味，唔單止份量多，啲煙肉都好多，咁平就可以食到咁大碟，價錢真係好貼地👍。我另外再嗌咗個炸豬扒，件豬扒真係好大件，仲大過我既手掌😳。而且塊豬扒仲係炸到金黃色，食落口感簡直一流。而我朋友就叫咗3.6牛乳炒蛋同埋兩隻煎蛋🍳，呢個係一個套餐，所以仲會配埋蕃茄濃湯通粉比我哋🤤。呢個3.6牛乳炒蛋真係炒得好滑😊，炒嘅火候啱啱好，食落嘅口感真係入口即溶😝，我同朋友都覺得好好食。我朋友話個蕃茄濃湯通粉入面真係有好多蕃茄🍅，好足料，而且湯底真係好濃郁，個名真係冇改錯。而且我哋另外再叫咗一份蜜糖雞翼做小食，啲蜜糖雞翼炸得啱啱好，一啲都唔油膩，而且40蚊就有六隻雞翼，真係好抵食😎!聽聞金門冰室仲有幾間分店係觀塘，下次去觀塘都要去試下💕!
因為太耐冇食過意粉，所以我就叫咗個卡邦尼意粉，佢仲跟餐送咗羅宋湯同埋鮮果沙律😋。個意粉真係好好味，唔單止份量多，啲煙肉都好多，咁平就可以食到咁大碟，價錢真係好貼地👍。
我另外再嗌咗個炸豬扒，件豬扒真係好大件，仲大過我既手掌😳。而且塊豬扒仲係炸到金黃色，食落口感簡直一流。
而我朋友就叫咗3.6牛乳炒蛋同埋兩隻煎蛋🍳，呢個係一個套餐，所以仲會配埋蕃茄濃湯通粉比我哋🤤。呢個3.6牛乳炒蛋真係炒得好滑😊，炒嘅火候啱啱好，食落嘅口感真係入口即溶😝，我同朋友都覺得好好食。我朋友話個蕃茄濃湯通粉入面真係有好多蕃茄🍅，好足料，而且湯底真係好濃郁，個名真係冇改錯。
而且我哋另外再叫咗一份蜜糖雞翼做小食，啲蜜糖雞翼炸得啱啱好，一啲都唔油膩，而且40蚊就有六隻雞翼，真係好抵食😎!
聽聞金門冰室仲有幾間分店係觀塘，下次去觀塘都要去試下💕!
Post
