616燒肉酒場 (Closed)

616已經久仰大名好一段時間，除打邊爐外其實燒肉都好出色。以往鍾意任食食量，依家決定對自己好啲，食質素。今次就叫咗個櫻和牛饗宴，肉類多元，仲配搭數款野菜。黑毛和牛肉眼上蓋店員推薦先食黑毛再食澳洲，肉味由淡至濃享受。第一款先整塊肉眼，燒完都幾厚身，肉汁不少，牛味相對淡啲，沾上玫瑰岩鹽幾夾，好原始嘅味道。黑毛和牛極上牛小排牛小排向來都係燒肉必食，油花十分豐富，入口即化，口感細膩，配搭點飯牛味更突出。黑毛和牛牛肋條整體好有驚喜，牛肋條上伴隨嘅筋同脂肪令整個味道昇華。食用時先原條燒，可以保留肉汁，兩邊金黃就可以再按個人喜好剪成條或粒裝。每口肥美交雜，配搭唔同醬料食，一絕。黑毛和牛西冷180g分量十足，估唔到脂肪分布咁多同埋平均，咬落肉質軟嫩細緻。一大片放上爐，油脂好快就令表面燒得焦香，剪成條狀或細塊裝享用，十分juicy。澳洲和橫膈膜口感係咁多款肉中比較韌，雖然偏瘦但會越嚼越香，燒完都唔會變硬，牛味出眾，沾燒汁好配搭。澳和牛腹肉入口即刻感受到一陣牛味，肉質相對無咁肥但味道十分濃郁。個人喜歡用店家獨特調配嘅蘋果汁加呢款肉，微甜下襯托風味更上一層。