The Grove

Open Now

Now Closed

呢間台式cafe開左係田心村，位置唔係好難搵，不過係大圍地鐵站都要行10-15分鐘先到。餐廳入面裝修唔錯，仲有乾花心意卡同埋不銹鋼飲管賣。雲石蛋糕是日精選蛋糕有芒果mousse蛋糕同雲石蛋糕，最後揀左雲石蛋糕，但發現真係好細舊，味道同芝士蛋糕差唔多，以38蚊呢個價錢黎講有d貴。忌廉芝士貝果究竟點解係香港食bagel會咁貴架呢🤔 明明係外國bagel就只係一舊好common嘅麵包，但係香港就變到好珍貴咁，普遍嘅餐廳亦都會賣得好貴😪 不過呢個bagel係幾好食嘅，有咬口得黎唔會太韌，食完發現其實都飽肚架。本身expect cream cheese係軟滑d嘅，但呢度嘅cream cheese有d硬，要塗勻係bagel上有d難。手撕雞麻醬涼拌麵上菜果時已經聞到麻醬嘅香味！麵條係偏硬嘅，但因為我平時鍾意食比較硬身嘅麵，所以幾鍾意佢嘅口感。拌麵嘅餸有青瓜絲同雞絲，食落幾清新。不過佢嘅份量其實係偏少，如果以拌麵作為正餐嘅話會唔夠喉，可能要叫埋其他小食/甜品。