千の味刺身壽司專門店 (海福花園商場) (Closed)

今日去咗住係大圍嘅朋友仔屋企玩，喺佢屋企樓下就有千之味壽司店 🍣 作為千之味嘅粉絲，所以就二話不說外賣咗兩盒去朋友屋企開餐，而家買外賣仲有可樂送添。😍叫咗幾款自己超級鍾意食嘅壽司，有墨魚壽司、帶子壽司、三文魚壽司、八爪魚壽司同特大赤蝦壽司。當中帶子壽司同特大赤蝦壽司自己每次都一定會點，因為實在非常高質，所以都叫咗好多件 🤤 帶子超級大粒同厚肉，食過真係返唔到轉頭，而特大赤蝦亦都係大大隻，口感非常之爽口。