風流居酒屋 (Closed)

連續踩咗六日，終於放假，唔想出城啦，喺大圍探探店，振興下大圍嘅經濟啦☺️☺️我今日自己一個自由自在鍾意食乜就食乜，好想食日本嘢，即刻搵吓OpenRice喺大圍有乜嘢好餐廳介紹，最後揀咗呢間居酒屋，風流🤣🤣一去到，好簡單嘅木枱木凳，加上竹簾，就覺得真係就去日本local居酒屋嗰個feel，簡單乾淨企理👍🏻👍🏻難得連續踩咗六日，梗係要好好獎勵吓自己啦，買咗一個六點季節刺身，同埋一個柚子胡椒黑豚肉串🤤首先講嗰個六點季節刺身先，海膽同帶子好新鮮好甜，油甘魚好香魚油味，其餘三款刺身都係水平之上✌🏻❤️柚子胡椒黑豚肉，因為食完刺身已經有啲飽飽地，本身仲驚呢個會食唔落，但係加咗柚子同埋胡椒之後，完全唔會有油膩嘅感覺反而有少少清新添😎