小甜頭

Open Now

Now Closed

最近有朋友話我知大圍開左間甜品店，仲要係有得買我鐘意食既麻薯添，咁我就搵日去完街番屋企個時去買個外賣番去同屋企人一齊食，佢個menu唔算話有好多選擇，但款款都好似好吸引咁，最後我簡左3樣野，兩個甜品一杯野飲。1.椰子脆脆海鹽奶蓋沾醬麻糬超軟熟既麻糬配上淡淡既海鹽奶蓋，加埋椰子脆脆好有咬口好香，麻糬係類似糖不甩個個口感，好好食，好有驚喜。2.斑蘭湯圓好香斑蘭味既湯圓，內面係椰絲既餡，好濃味，配埋個椰汁，我成碗食哂。3.海鹽奶蓋椰青水新鮮椰青水加奶蓋，唔會好漏，好清新。