Video
Read full review
2023-04-13
107 views
大圍沙田多野食，但沙田如果唔行遠d，都係大商場入面既餐廳。反而大圍站出黎，行唔洗兩個字就有各式各類既餐廳因為今晚想食Khao Soi，所以就去左試間泰式麵食，阿叔泰麵😍😍😍雖然佢唔喺最多餐廳果條街，但閒日夜晚都算座無虛席咁滯，睇黎都有一定既人氣👍🏻👍🏻餐廳裝修簡單得黎又幾好睇，餐具都好泰式，感覺似係新式d年輕d既泰式餐廳🥰睇睇menu，飯麵各有五六種選擇，仲有唔少小食同幾款甜品😋😋我地就當然叫左泰北金麵，仲加多個椰汁雞湯底既金邊粉同豬頸肉，另外仲有杯泰式奶茶😍😍泰北金麵睇落又大碗又豐富，湯底濃到似醬汁仲多過似麵既湯😍😍金黃色既湯底配埋金黃既蛋麵同脆麵，一上菜就已經食指大動👍🏻湯底既咖哩同椰汁香味夠濃，帶韌既蛋麵加埋香脆既脆麵，口感多樣又有豐富同濃香既味道至於辣度，我諗算係中等，但對於食得辣既人黎講就應該只係少辣。呢個辣度我覺得岩岩好，再辣就食得辛苦，同埋如果可以甜d就岩哂我跟泰北金麵既雞髀通常都唔係講嫩滑多汁，大大隻肉唔鞋有香料味就已經夠。椰汁雞湯金邊粉感覺幾特別，因為通常都係就咁飲。椰汁雞湯同金麵一樣都係泰菜經典之一，椰漿、雞肉、香茅、南薑、青檸缺一不可飲一飲個湯，作為麵食既湯底，味
因為今晚想食Khao Soi，所以就去左試間泰式麵食，阿叔泰麵😍😍😍
雖然佢唔喺最多餐廳果條街，但閒日夜晚都算座無虛席咁滯，睇黎都有一定既人氣👍🏻👍🏻
餐廳裝修簡單得黎又幾好睇，餐具都好泰式，感覺似係新式d年輕d既泰式餐廳🥰
睇睇menu，飯麵各有五六種選擇，仲有唔少小食同幾款甜品😋😋
我地就當然叫左泰北金麵，仲加多個椰汁雞湯底既金邊粉同豬頸肉，另外仲有杯泰式奶茶😍😍
泰北金麵睇落又大碗又豐富，湯底濃到似醬汁仲多過似麵既湯😍😍
金黃色既湯底配埋金黃既蛋麵同脆麵，一上菜就已經食指大動👍🏻
湯底既咖哩同椰汁香味夠濃，帶韌既蛋麵加埋香脆既脆麵，口感多樣又有豐富同濃香既味道
至於辣度，我諗算係中等，但對於食得辣既人黎講就應該只係少辣。呢個辣度我覺得岩岩好，再辣就食得辛苦，同埋如果可以甜d就岩哂我
跟泰北金麵既雞髀通常都唔係講嫩滑多汁，大大隻肉唔鞋有香料味就已經夠。
椰汁雞湯金邊粉感覺幾特別，因為通常都係就咁飲。椰汁雞湯同金麵一樣都係泰菜經典之一，椰漿、雞肉、香茅、南薑、青檸缺一不可
飲一飲個湯，作為麵食既湯底，味道幾好😍😍
因為我呢d鐘意濃郁重口味既人，椰汁同酸咸甜味再濃d就會更合我口味，但如果咁濃，做粉既湯底就好似會怪怪地。宜家咁樣食到椰汁既滑溜口感，又食到香茅既香味就感覺平衡。雞肉用左雞柳，量比想像中多。雞柳既size都比想像中大塊，諗住會鞋，點知食落係好似慢煮左既口感，配番個湯底，好食。
小食我地叫左燒豬頸肉。又係比想像中大份，已經比平時餐廳食到既切得大塊，仲要疊左兩層
肉既調味到位，沾汁酸得黎唔會太辣又有蒜香。口感就當然係外酥脆內爽脆，唔係爆汁但一定唔會乾。
泰式奶茶其實冇咩期待，因為平時餐廳通常唔會沖好濃，就算叫左少冰，飲飲下都會沖淡哂。但呢度既泰奶既濃度係令我喜出望外，又夠濃又夠甜又有泰奶果陣香味。明明都知飲多兩啖自己就會訓唔著，但就係想飲多喺再飲多啖。
清埋豬頸肉，兩個小廢胃已經完全食唔落好想試既芒果糯米飯或者糕點拼盤，唯有十分十分唔甘心咁埋單
Post
