M3 Italian (Closed)

今日嚟到位於大圍嘅西餐廳M3 Italian食飯，餐廳嘅裝修都幾有格調，有少少酒吧嘅感覺。法國生蠔入口無蠔殼碎，蠔味香濃，有淡淡的海水味，仲好厚肉添。巴馬火腿芝士手製薄餅薄餅個餅皮好有彈性，摸落去完全唔會覺得油，配上充滿咸香味嘅火腿一齊食，真係好有風味啊。黑松露忌廉手製意大利粉配日本北海道特大帶子意粉有好香嘅黑松露香味，忌廉味亦都唔會太過濃，入口唔會覺得好肥膩。意粉入口亦都係好有彈性，帶子又大又彈牙，真係好好味呀。炭燒美國肉眼扒肉眼扒入口有炭燒香味，外皮有少少焦脆，牛肉味都幾特出，入口仲好有肉汁添。整體來講，餐廳嘅食物質素真係非常之唔錯，當中嘅意粉同牛扒仲整得特別好味添。