Video
Read full review
2009-12-30
150 views
12 月 19 日 (星期六) 我地一班人去左同事係大圍屋企玩, 玩到夜要醫肚, 有人提議去附近既萃華食飯, 於是拉大隊出發。因為有人發板點菜, 所以我既工作就係等食。我地食左既野有: 燒乳鴿: 招牌菜之一, 皮脆肉嫩, 十分香口。最難得有炸鴿心同埋鴿膶係裏面, 並非一般舖頭可以食到。一蝦兩味: 用海中蝦做左豉油王蝦同埋o者o者蝦煲兩個食法. o者o者蝦煲用乾蔥爆到好香, 幾好味。但係我都係鍾意豉油王蝦多o的, 因為我鍾意食濃味o的既野。羊腩煲 : o的羊肉鮮嫩, 一o的都唔羶, o的冬菇又入味, 送左成碗飯先滿足。避風塘釀茄子: 煎釀三寶中既魚肉釀茄子就食得多,改用避風塘炒蟹既形式黎煮茄子就真係第一次試。辣辣地加上大量炸蒜頭去炒, 真係十分野味。正 !椒鹽白鴿蛋 : 離遠睇唔知道係乜, 以為係炸湯圓, 哈哈 ! 問咗先知道係炸白鴿蛋, 食落皮脆蛋滑, 原來白鴿蛋個樣同鵪鶉蛋差唔多, 但係聽講膽固醇低好多, 食多隻都唔怕啦 !清蒸海青斑: 我覺得蒸魚最緊要魚夠新鮮同埋唔好過火。條魚蒸得剛剛好, 加埋o的蒸魚豉油一齊, 又係送飯既佳品。芋茸卷: 平平無奇既芋茸用腐皮卷住o黎炸, 做出o黎
我地食左既野有:
燒乳鴿: 招牌菜之一, 皮脆肉嫩, 十分香口。最難得有炸鴿心同埋鴿膶係裏面, 並非一般舖頭可以食到。
一蝦兩味: 用海中蝦做左豉油王蝦同埋o者o者蝦煲兩個食法. o者o者蝦煲用乾蔥爆到好香, 幾好味。但係我都係鍾意豉油王蝦多o的, 因為我鍾意食濃味o的既野。
羊腩煲 : o的羊肉鮮嫩, 一o的都唔羶, o的冬菇又入味, 送左成碗飯先滿足。
避風塘釀茄子: 煎釀三寶中既魚肉釀茄子就食得多,改用避風塘炒蟹既形式黎煮茄子就真係第一次試。辣辣地加上大量炸蒜頭去炒, 真係十分野味。正 !
椒鹽白鴿蛋 : 離遠睇唔知道係乜, 以為係炸湯圓, 哈哈 ! 問咗先知道係炸白鴿蛋, 食落皮脆蛋滑, 原來白鴿蛋個樣同鵪鶉蛋差唔多, 但係聽講膽固醇低好多, 食多隻都唔怕啦 !
清蒸海青斑: 我覺得蒸魚最緊要魚夠新鮮同埋唔好過火。條魚蒸得剛剛好, 加埋o的蒸魚豉油一齊, 又係送飯既佳品。
芋茸卷: 平平無奇既芋茸用腐皮卷住o黎炸, 做出o黎出奇地鬆化, 又幾特別喎。
甜品係山水豆腐花o黎做呢餐既終結, 總括黎講食物質素好好, 有幾樣野係出面未食過, 我下次會再o黎試下有冇他正野 !
Post
