Video
Read full review
2024-01-21
212 views
今日放左工之後，同屋企人去左大圍食晚飯🤣經過見到間裝修得幾靚既泰國餐廳 - 阿叔泰麵，餐廳入面仲有bar 枱，感覺好chill，所以我地就揀左食依間😋✨青咖哩雞 $78 （+ 白飯 $10 & 烤餅 $15）好好味既青咖喱！青咖喱汁入面有好重既椰味同埋咖喱香料，唔會覺得辣，會嚟配飯簡直一流😜。分量都好足，有5-6嚿雞，啲雞好軟滑，再加上一啲泰式茄子，不知不覺我地就食完配飯😈我地就再加左烤餅，送上嚟仲熱辣辣同脆卡卡既，配埋個青咖喱汁，食到好滿足👍🏼✨冬陰功湯麵 $68一大碗既冬陰功湯麵，麵方面我哋就叫咗金邊粉，配料方面份量都好足，有魷魚、同蝦、同埋好多舊豆卜。冬陰功湯味道好唔錯，酸酸辣辣，又好易入口，配金邊粉係一個好唔錯嘅配搭。😋✨聖芭東酸辣鳳爪 $58次次去親泰國餐廳就會好想食鳳爪，依度嘅鳳爪調味調得啱啱好，好夠味，完全滿足到我想食酸辣鳳爪嘅願望，仲要都有好多件🤣🤣✨荔枝梳打 & 青檸梳打 $各26嘢飲方面，我哋一人一杯梳打，荔枝梳打入面有少量荔枝粒，荔枝粒好鮮甜，整體都唔錯。青檸梳打用嚟解膩一流！店員態度好好，可能睇得出我哋係諗住share，會主動比碗我地，有興趣食泰國菜嘅朋友，可以
今日放左工之後，同屋企人去左大圍食晚飯🤣經過見到間裝修得幾靚既泰國餐廳 - 阿叔泰麵，餐廳入面仲有bar 枱，感覺好chill，所以我地就揀左食依間😋
✨青咖哩雞 $78 （+ 白飯 $10 & 烤餅 $15）
好好味既青咖喱！青咖喱汁入面有好重既椰味同埋咖喱香料，唔會覺得辣，會嚟配飯簡直一流😜。分量都好足，有5-6嚿雞，啲雞好軟滑，再加上一啲泰式茄子，不知不覺我地就食完配飯😈
我地就再加左烤餅，送上嚟仲熱辣辣同脆卡卡既，配埋個青咖喱汁，食到好滿足👍🏼
✨冬陰功湯麵 $68一大碗既冬陰功湯麵，麵方面我哋就叫咗金邊粉，配料方面份量都好足，有魷魚、同蝦、同埋好多舊豆卜。冬陰功湯味道好唔錯，酸酸辣辣，又好易入口，配金邊粉係一個好唔錯嘅配搭。😋
✨聖芭東酸辣鳳爪 $58
次次去親泰國餐廳就會好想食鳳爪，依度嘅鳳爪調味調得啱啱好，好夠味，完全滿足到我想食酸辣鳳爪嘅願望，仲要都有好多件🤣🤣
✨荔枝梳打 & 青檸梳打 $各26
嘢飲方面，我哋一人一杯梳打，荔枝梳打入面有少量荔枝粒，荔枝粒好鮮甜，整體都唔錯。青檸梳打用嚟解膩一流！
店員態度好好，可能睇得出我哋係諗住share，會主動比碗我地，有興趣食泰國菜嘅朋友，可以嚟試吓！
🍴阿叔泰麵
📍大圍積信街31-51號安信樓地下Q號舖
📞35654224
Post
