Video
Read full review
2022-12-04
61 views
今日又來到大圍搵老朋友，行過見到有間門面好似幾靚嘅日本餐廳，決定入去試吓，原來食燒肉嘅。既然主打燒肉，當然要叫個最好嘅餐，今次就揀咗櫻和牛饗宴，當中包括黑毛和牛同澳洲和牛。前者肉質比較肥美，後者肉味較重，店員建議澳洲和牛之後先燒，不過各人口味唔同，我同朋友都覺得瘦嘅要先食。每款肉都各有特色，全餐最有驚喜莫過於牛肋條同西冷，兩種都有適當嘅脂肪，分佈平均，燒完之後外脆，咬開肉汁流晒出嚟，點少少醬汁再撈白飯真係一流。雖然平時怕肥膩，但私心都係鍾意食黑毛多啲，不過亦絕對唔代表澳洲牛肉遜色。不論係牛腹肉定橫膈膜，兩者肉質同樣緊致，牛味撲鼻而來，係別一番風味。呢間燒肉地理位置方便，坐得舒服，店員介紹用心，下次有機會都會再嚟食😋
既然主打燒肉，當然要叫個最好嘅餐，今次就揀咗櫻和牛饗宴，當中包括黑毛和牛同澳洲和牛。前者肉質比較肥美，後者肉味較重，店員建議澳洲和牛之後先燒，不過各人口味唔同，我同朋友都覺得瘦嘅要先食。
每款肉都各有特色，全餐最有驚喜莫過於牛肋條同西冷，兩種都有適當嘅脂肪，分佈平均，燒完之後外脆，咬開肉汁流晒出嚟，點少少醬汁再撈白飯真係一流。
雖然平時怕肥膩，但私心都係鍾意食黑毛多啲，不過亦絕對唔代表澳洲牛肉遜色。不論係牛腹肉定橫膈膜，兩者肉質同樣緊致，牛味撲鼻而來，係別一番風味。
呢間燒肉地理位置方便，坐得舒服，店員介紹用心，下次有機會都會再嚟食😋
Post
