Video
Read full review
2021-12-19
554 views
Four x Four 在舊址時已經有留意佢，但係一直冇機會幫襯。近日佢搬咗去新地方，於是約埋家人一齊去食晏。去到餐廳嘅時候大約是中午12:45，已經有好多人排緊隊，被告知前面有九張檯。因為係特登約埋嚟嘅，所以就決定等位。45分鐘之後終於輪到我哋，因為有五個人，所以被安排坐喺最入面嘅一張六人大枱。等位嘅時候我哋已經睇好咗餐牌，所以一坐低就可以落order。坦白講，佢哋餐牌嘅選擇唔多，只有六個套餐。我哋嗌咗一份全日早餐，三份香辣蒜片橄欖油紅蝦扁意粉同埋一份卡真雞肉意大利包配薯條及沙律菜。跟餐仲有飲品，我哋要咗兩杯英式奶茶，一杯凍柚子蜜，一杯白咖啡，另外一個加咗$10轉為榛子鮮奶咖啡。最先上嘅係全日早餐，睇落去非常之豐富。之前就已經睇到食評，絕大部份的人對它的All Day Breakfast非常之讚賞。三份扁意粉賣相精緻，兩隻紅蝦擺喺意粉上面，非常之吸睛。啲意粉夠煙靭，大家都話好味，啲蝦亦都新鮮彈牙。至於個辣味，三個人嘅形容都唔一樣：一個話一啲都唔辣，一個話有少少辣，另外一個話好辣。所以辣呢樣嘢，真係因人而異！😅我要嘅卡真雞肉意大利包比想像中更加好味。之前在食評睇到佢純粹係因為被賣相吸引
等位嘅時候我哋已經睇好咗餐牌，所以一坐低就可以落order。坦白講，佢哋餐牌嘅選擇唔多，只有六個套餐。我哋嗌咗一份全日早餐，三份香辣蒜片橄欖油紅蝦扁意粉同埋一份卡真雞肉意大利包配薯條及沙律菜。跟餐仲有飲品，我哋要咗兩杯英式奶茶，一杯凍柚子蜜，一杯白咖啡，另外一個加咗$10轉為榛子鮮奶咖啡。
最先上嘅係全日早餐，睇落去非常之豐富。之前就已經睇到食評，絕大部份的人對它的All Day Breakfast非常之讚賞。
全日早餐
$108
20 views
2 likes
0 comments
三份扁意粉賣相精緻，兩隻紅蝦擺喺意粉上面，非常之吸睛。啲意粉夠煙靭，大家都話好味，啲蝦亦都新鮮彈牙。至於個辣味，三個人嘅形容都唔一樣：一個話一啲都唔辣，一個話有少少辣，另外一個話好辣。所以辣呢樣嘢，真係因人而異！😅
香辣蒜片橄欖油紅蝦扁意粉
$88
25 views
1 likes
0 comments
我要嘅卡真雞肉意大利包比想像中更加好味。之前在食評睇到佢純粹係因為被賣相吸引，食落之下更加對佢嘅味道讚不絕口，慶幸嗌咗佢。個意大利麵包香口夾大件，卡真雞肉份量多到麵包夾唔晒，啲薯條亦都炸得香脆。因為係午餐，食唔到咁多，所以仲分埋俾大家幫手食。
卡真雞肉意大利包配薯條及沙律菜
$98
28 views
1 likes
0 comments
最後要講嘅係榛子鮮奶咖啡，單叫要38蚊，但係跟餐只須加10蚊，非常之抵飲。
榛子鮮奶咖啡
13 views
1 likes
0 comments
終於試過Four x Four，算喺了咗個心願。間餐廳的食物質素係高嘅，希望將來餐牌上能夠有更加多嘅選擇，吸引多啲回頭客。
Post
