風車

Open Now

Now Closed

今日經過大圍油站附近， 試咗一間西餐廳， 不論環境及食物都幾有水準， 而且價錢都算合理。門口見到有好多不同菜色嘅menu， 裏面嘅環境及燈光都幾舒服， 樓底相當之高，而且有水晶燈及大電視， 枱與枱之間都十分闊落。我們點了一個二人套餐，頭盤係香煎阿拉斯加蟹肉餅， 蟹肉味道都好突出，而且份量都算大。蕃茄湯都幾好飲， 酸酸甜甜，都幾醒胃。主菜嗌了紐西蘭肉眼扒配焦糖菠蘿， 牛扒煎得剛剛好，出面起曬格仔有少少炭香味道， 裏面肉汁鎖住， 入口好有肉味。大大件嘅焦糖菠蘿，同牛扒味道好夾。另一款主菜係西班牙式燒原隻春雞， 雖然外皮唔算十分之脆， 但係肉質嫩滑，入口十分 juicy。甜品係藍莓芝士蛋糕， 微微芝士味， 蛋糕唔算太甜都幾好食。