Video
Read full review
2024-03-12
120 views
今日去大圍探朋友，佢話食過呢間餐廳幾次，覺得唔錯，所以今日帶咗我嚟試。「風車」嘅環境好chill，盞水晶燈好靚，仲有得睇波添。我哋總共叫咗四樣嘢食。第一樣係蟹肉餅，食落啖啖蟹肉，好足料、餅嘅表面煎得脆，仲有醋汁沙律菜做配菜，好開胃。第二樣係蒜香蝦多士，呢個蝦多士同平時出面嘅餐廳有啲分別，屬於健康版，唔係油炸版。每舊多士有兩隻大蝦，麵包烘到好脆。第三樣係烤春雞，好大份，食落有好香嘅檸檬同埋黑椒味，肉質鮮嫩好滑。最後一樣係龍蝦意粉，我覺得成餐飯最出色嘅就係龍蝦意粉，一上菜就聞到好香濃嘅芝士味，意粉亦有唔同嘅配料，例如係雞髀菇、鴻喜菇、洋蔥，口感非常豐富，我哋兩個食到一條意粉都冇剩～整體嚟講，呢間餐廳嘅食物質素唔錯，份量都好足夠，服務員態度都好友善，令人感到舒服。
「風車」嘅環境好chill，盞水晶燈好靚，仲有得睇波添。
我哋總共叫咗四樣嘢食。第一樣係蟹肉餅，食落啖啖蟹肉，好足料、餅嘅表面煎得脆，仲有醋汁沙律菜做配菜，好開胃。
第二樣係蒜香蝦多士，呢個蝦多士同平時出面嘅餐廳有啲分別，屬於健康版，唔係油炸版。每舊多士有兩隻大蝦，麵包烘到好脆。
第三樣係烤春雞，好大份，食落有好香嘅檸檬同埋黑椒味，肉質鮮嫩好滑。
最後一樣係龍蝦意粉，我覺得成餐飯最出色嘅就係龍蝦意粉，一上菜就聞到好香濃嘅芝士味，意粉亦有唔同嘅配料，例如係雞髀菇、鴻喜菇、洋蔥，口感非常豐富，我哋兩個食到一條意粉都冇剩～
整體嚟講，呢間餐廳嘅食物質素唔錯，份量都好足夠，服務員態度都好友善，令人感到舒服。
Post
