睿海御宴 (Closed)

平時好少入大坑食野，近年多咗好多打卡cafe/曲奇，唔係幾啱我朋友約喺呢度飲茶，差d搵唔到，原來係樓上舖，門口樓梯好闊落好靚，要行上一層朋友話質素都幾好嘅，揀咗仲2人餐，我就再叫咗d煎炸野點心。坐得好舒服，位好闊好多位，環境好乾淨。點心Xo 醬煎蘿蔔糕煎得幾好，食到粗粒蘿蔔喺入面，xo醬係放喺上面，唔係醬炒，唔怕到食會辣蒜蓉蝦春卷切開一半都好大條，炸得好靚，入面好大舊蝦！點喼汁食最夾紅棗糕唔係好甜，煙韌，好大舊午市自選黃金套餐，3款小菜跟兩個飯同糖水滑蛋蝦仁超級滑！好大隻蝦！葱都好多，份量唔多，幾樣野食開心d，好似叫小菜食飯咁。蜜桃咕嚕黑豚肉黑豚肉炸得好靚，酸甜汁味道剛好，平衝咗炸豚肉嘅油膩。椒鹽九肚魚蘇脆，肉骨照食不誤，送飯叫咗好幾樣都係煎,炸嘅野，做得相當出色，小菜都係。送蕃薯糖水，但唔夠薑！