正宗印度餐廳及酒吧 (銅鑼灣道)

Open Now

Now Closed

近期如果出街食飯都唔敢去得遠，都係去屋企附近嘅餐廳。住喺大坑天后一帶嘅我哋，發現附近原來都有唔少選擇，各地菜式都有，今日就去到大坑食印度菜，呢間正宗印度餐廳及酒吧都唔錯架。舖面雖然小小，但環境好有印度色彩。胡椒脆餅一坐低，店員就送上胡椒脆餅，脆餅卜卜脆，少少辣，但更開胃係附上嘅四款醬汁，分別係有薄荷味嘅沙律醬、甜醬、辣醬同咖哩醬，款款醬都好好味。但我哋最鍾意都係咖哩醬，超香濃！咖喱角食印度嘢，小食又點少得咖哩角？皮脆唔厚，入面勁多薯仔溶，索晒咖哩汁，好滿足。奶油雞奶油雞係呢度嘅名物之一，雞嘅味道好有層次，一食落去當然係濃而唔辣咖哩啦，而其實食落仲有淡淡嘅牛油味，味道好細緻，而雞肉好嫩滑。烤餅、蒜蓉烤餅食印度嘢又點少得Naan bread呢？我哋叫咗一份普通烤餅，一份蒜蓉烤餅，估唔到塊餅咁大塊，早知叫一份就算啦！但佢嘅烤餅真係好香牛油或蒜蓉味，點埋奶油雞嘅醬汁，真係無得頂。（記住Like同Share畀朋友）By A姐M佬 玩樂日記 www.aandmdiary.com