肉骨皇 (Closed)

好耐無去大坑搵食，今晚落雨寒寒地，去咗浣紗街的肉骨皇整個肉骨茶暖一暖身。夜晚差不多7點入餐廳，未見有其他客人在內。侍應非常有禮貌的招呼。餐廳以平民式的裝潢，無細緻嘅裝修，但卻多一份地道的舒適感。大概就係住附近的街坊，平常踢拖落樓開飯的餐廳。肉骨茶是馬拉的風味，點了小份量，二人分享，份量剛好。湯的藥材和香料味濃香帶甘甜，令人飲完一口再接一口。另外點了柚子蝦沙律，基於本人不太能食辣，所以坊間好多餐廳的柚子沙律因爲太辣，我都比較難食得完。不過肉骨皇的柚子沙律不是用辣椒粒去調味，而係用泰式辣醬加埋柚子肉的味道，酸甜酸甜，帶少少辣，反倒合我胃口。最後的花甲喇沙，花甲量不少，而且很是肥美大隻。另外麵身可以揀淨米粉，油麵還是米粉油麵雙拼，我就當然係要雙拼啦！喇沙的湯頭濃郁，配上粉麵實在一流。邊食邊配上餐廳自製的薏米水，温温暖暖，清甜舒服。非常滿足的晚上。