肉骨皇 (Closed)

自己平日都會同朋友走去大坑食個午飯，但今日星期二好多店舖都冇開門（大坑朋友應該知點解），行入少少比我見到呢間肉骨皇，餐牌寫住學生優惠一律$40，平過我平時食開果幾間餐廳，一於試下。店舖比較的骰，裝修有一練絲馬來西亞餐廳既感覺。肉骨茶份量唔少，除左豬肉仲有金菇和豆卜。馬來西亞嘅肉骨茶最大特點係濃香的藥材味，滲透甘苦醇厚的味道。餐廳完全做到以上呢點。另外雞飯唔油膩，肉骨茶亦會附上油條一小碟。我就叫咗檳城炒貴刁，看圖見到有兩隻大蝦，肉質彈口。粉條亦幾爽口，而且帶有微微焦香。最後仲叫咗個小食，蘿蔔糕下面係大量芽菜，芽菜加馬拉盞一齊炒特別惹味，但仍然爽脆。相反蘿蔔糕外層幾脆口，但入面口感較「粉」。食親馬來西亞餐廳一定會叫美祿恐龍，頂層撒上厚厚巧克力粉，形成一個小山丘。咁邪惡嘅飲品當然好飲。女友例牌叫青檸梳打，唔會太酸亦唔會太甜。順帶一提，餐廳用鋼飲管取代膠管，果然係綠色環保，人人有責。下次同朋友喺大坑食飯又多咗一個抵食選擇。