睿居酒屋 (Closed)

雖然本人灣仔返工，通常都會响港島醫肚，但到大坑區搵食真係少之又少，印象中連埋今次都只係第二次，因為唔太熟悉d一區，驚walkin無位都唔知食乜，所以提前一晚book定位。當晚早咗半個鐘到，餐廳門口幾特別，有個小花園，入到去就慶幸自己有book位，除咗我哋張二人枱，其他全部full Booking，如果其他人有興趣嚟真係要預先book左位先。餐牌清酒選擇都幾多，當晚平平地揀咗支岀羽櫻，同現行其他日本餐廳一樣，會俾唔同款式嘅清酒杯你選擇。去居酒屋例牌叫吓刺身、壽司，刺身都幾新鮮，最特別係佢哋有銀雪魚刺身，呢個真係第一次食。佢哋嘅壽司質素好高，因為今次得得兩個人嚟，下次可以約多啲人嚟，試多啲唔同嘅款式。最後佢哋嘅串燒中規中矩，未有太大驚喜。總括嚟講呢間餐廳都應該係我想食日本嘢會on list嘅餐廳。