睿居酒屋 (Closed)

同事升職而我知佢鍾意食日本嘢 所以就同佢嚟咗呢間居酒屋到慶祝喇 凍日本高糖蕃茄🍅配柚子汁 蕃茄好鮮甜 再加埋微酸嘅柚子汁作為一個醒胃嘅前菜非常好 海鯛薄切🐟黎到日本居酒屋當然要揀刺身食啦今日就揀咗呢一款海鯛薄切 鯛魚肉質紮實有彈性 味道清甜 加上柚子汁配蔥花 再帶出魚嘅鮮味 另外點左wasabi醬油漬 又係另一種風味 四款刺身：吞拿魚 深海池魚 銀鱈魚 帶子相反呢四款刺身都係厚切嘅 食落更有口感同埋好鮮甜😋 我係第一次食銀鱈魚刺身㗎咋火炙三貫：吞拿魚腩 和牛 左口魚邊🍣重口味係我至愛😆 呢三款壽司相對上油脂比較重 火炙更加可以帶出佢嘅油香😌 好滿足 串燒🍢芝士免治雞肉棒 免治雞肉入邊加左啲雞軟骨碎 面頭又有一浸溶左嘅芝士 再點埋蛋黃醬 多重層次同味道嘅享受呀😚 和牛粒🐂先試原味 一啖咬落去 口腔充滿油香😋 再點埋鮮蛋黃醬包住整粒和牛 正呀！ 清酒煮蜆最後以清酒煮蜆作結 就最適合不過啦 淡淡嘅清酒味再加鮮甜嘅大蜆 食返啲暖嘅嘢落肚 成個人都舒服曬 今晚呢一餐真係好滿足呀！😀