Ron Mak Mak (Closed)

 今次黎到大坑呢間Ron Mak Mak，天后站B出口行多幾分鐘就會到，位置算係比較偏僻啲但係小店質素有驚喜🤩菜式除左傳統泰菜之外，仲有啲fusion野都幾值得一試。另外店員都係泰國人，去到感覺好正宗～ 1️⃣XO醬炒金邊粉（$112） 呢款店員話係chef recommended既，menu上面未有既item。XO醬味道惹味而且炒得唔會油🤤食到瑤柱蝦米既香，配埋pad thai炒，有種港式料理既feel，好特別。入面仲有啲豆乾、雞肉、芽菜等等。有少少辣但係絕對唔會話好辣，係惹味既。  2⃣️椰香黃咖哩芝士雞肉短管麵（$114） 呢個都係好特別！咖哩椰香味夠香，咖哩配上芝士，好香好好食！另外配上短管麵掛汁能力更加強！短管麵啲窿窿位可以入曬啲汁～好正～另外短管麵食落口唔會過淋，煮得啱啱好😌  3⃣️蝶豆花荳奶（$45） 呢款既漸層效果好靚😍不過其實蝶豆花本身冇乜味，所以飲落都係有啲似飲緊普通豆奶，不過佢飲落唔會係好甜既，解渴一流👍  4⃣️泰式奶茶（$45） 食泰國野點可以唔嗌泰式奶茶！呢度既泰式奶茶都幾香，我自己幾鍾意😋