Video
Read full review
2024-01-16
28 views
大坑不嬲係一個充滿人情味嘅地方，估唔到呢間食店雖然新開都完全體現到濃濃嘅人情味。本身比佢個Number 8 MEGA 8分鐘挑戰吸引，擺低一蚊挑機，諗住喺限時內食完贏佢個包同埋啲小禮物，點知真係高估咗自己嘅實力！ 對自己有信心嘅朋友可以去挑戰吓。 同店長傾偈之下先發現原來佢哋對食材十分嚴謹，製作亦非常用心，唔單止面包都手工工製佢， 撈麵，水果茶的材料都係自家製， 真係全副心機， 而且水果茶又用上印尼靚茶葉，喺出邊真係好少飲到呢款味。講返個Mega吉列豬扒包,個包係成隻手掌高, 麵包口感煙靭有厚度，好有細個食嗰啲真材實料麵包嘅感覺。吉列豬外脆內軟超級Juicy，配上佢哋秘製嘅醬汁，確實令人食完一啖又一啖，而且包入邊仲配咗新鮮嘅生菜同蕃茄，加上有印尼特色嘅青瓜沙律， 十分清新，值得一試。佢仲有唔同size 嘅burger 可以揀，我諗我下次會揀返Regular就夠啦
講返個Mega吉列豬扒包,個包係成隻手掌高, 麵包口感煙靭有厚度，好有細個食嗰啲真材實料麵包嘅感覺。吉列豬外脆內軟超級Juicy，配上佢哋秘製嘅醬汁，確實令人食完一啖又一啖，而且包入邊仲配咗新鮮嘅生菜同蕃茄，加上有印尼特色嘅青瓜沙律， 十分清新，值得一試。
佢仲有唔同size 嘅burger 可以揀，我諗我下次會揀返Regular就夠啦
Post
