睿海御宴 (Closed)

之前黎食過午市點心，覺得唔錯，所以搵左個夜晚再黎試下晚飯。五香雞卷 $108福建菜既一道傳統特色小吃，外層用腐皮包住豬肉同蔬菜餡料，捲成圓條狀，再放入油鍋炸熱。口感外脆內爽，配埋酸辣醬，完全唔覺膩。正宗家鄉蠔烙 $188同平時食開既潮式蠔餅有啲分別，蠔餅有大量既蔥，蠔仔大隻飽滿，份量都幾大，多人分享會比較好，配埋醬汁同蘿白絲一齊食會無咁油膩。青檸焗肉排 $198外層酸酸甜甜，好開胃，肉排厚肉，用焗既方法肉質比較嫩同多汁。最後仲送左紅豆沙俾我地，紅豆入口軟腍，味道清甜帶有陳皮香。