Video
Read full review
2023-09-20
88 views
難得呢個星期唔使OT，約埋在港島返工的朋友仔，食嘢聚舊兼傾偈，我地一東一西，相約在中心點銅鑼灣大坑，選了一間粵式私房菜餐廳地點在浣紗街，雖然叫樓上私房菜，不過個門面都容易搵，在地面有樓梯直達⬆️餐廳在樓梯的設計花咗唔少心思，牆上畫滿了傳統特色的畫作，丹頂鶴、迎客松、祥雲，當然唔少得大坑最重要嘅活動——舞火龍，展現了傳統風格，但不落俗套餐廳內部嘅裝修，以簡約為主，旁邊嘅飾櫃擺滿左中西美酒我哋因為得兩個人，所以揀咗個佢哋現時推廣嘅小菜套餐，陳年花雕雞或者當紅炸子雞，另外仲可以喺12款嘅小菜中，任揀兩款雞方面，毫無懸念，我哋兩個都想食炸子雞，反而係小菜度，一直猶豫不決，因為每樣都好想試📍當紅炸子雞雞皮香脆可口，食落脆咯咯，由於隻雞嘅皮下脂肪不多，所以塊雞皮先可以燒到咁脆雖然佢係一隻炸子雞，但係佢嘅肉質依然可以保持嫩滑，並冇炸到好似柴皮咁連雞胸位置嘅肉質都保持軟滑，確實考功夫🫡📍牛奶滑蛋炒蝦球滑嘟嘟嘅滑蛋，彈牙爽口嘅蝦球，簡直係完美嘅配搭🤝在屋企，自己好難煮到呢種質感好快就比我地清晒🤭📍魚香茄子煲魚香茄子煲堪稱係我最鍾意食嘅小菜之一，個煲熱辣辣咁樣上菜，吱吱渣渣，濃郁的鹹香味，隨熱氣撲鼻而來；茄
我地一東一西，相約在中心點銅鑼灣大坑，選了一間粵式私房菜
餐廳地點在浣紗街，雖然叫樓上私房菜，
不過個門面都容易搵，在地面有樓梯直達⬆️
餐廳在樓梯的設計花咗唔少心思，
牆上畫滿了傳統特色的畫作，
丹頂鶴、迎客松、祥雲，
當然唔少得大坑最重要嘅活動——舞火龍，
展現了傳統風格，但不落俗套
餐廳內部嘅裝修，以簡約為主，
旁邊嘅飾櫃擺滿左中西美酒
我哋因為得兩個人，所以揀咗個佢哋現時推廣嘅小菜套餐，
陳年花雕雞或者當紅炸子雞，另外仲可以喺12款嘅小菜中，任揀兩款
雞方面，毫無懸念，我哋兩個都想食炸子雞，
反而係小菜度，一直猶豫不決，因為每樣都好想試
📍當紅炸子雞
雞皮香脆可口，食落脆咯咯，
由於隻雞嘅皮下脂肪不多，
所以塊雞皮先可以燒到咁脆
雖然佢係一隻炸子雞，但係佢嘅肉質依然可以保持嫩滑，並冇炸到好似柴皮咁
連雞胸位置嘅肉質都保持軟滑，確實考功夫🫡
📍牛奶滑蛋炒蝦球
滑嘟嘟嘅滑蛋，彈牙爽口嘅蝦球，
簡直係完美嘅配搭🤝
在屋企，自己好難煮到呢種質感
好快就比我地清晒🤭
📍魚香茄子煲
魚香茄子煲堪稱係我最鍾意食嘅小菜之一，
個煲熱辣辣咁樣上菜，吱吱渣渣，
濃郁的鹹香味，隨熱氣撲鼻而來；
茄子要保持亮麗嘅紫色，唔容易
味道濃郁又惹味，送飯一流👍🏻👍🏻
每種小菜雖然看似平凡，耳熟能詳的菜式，
但用心煮，就能體會到平凡中嘅不平凡
Post
