Video
Read full review
2022-05-25
89 views
成日見到好多Foodie IG都話大坑有好多好嘢食，今次第一次嚟到大坑就試吓呢間Cafe，12點幾嚟到都要排隊，侍應會Mark低邊個嚟先嚟後，但小心因為另外一啲人會搏懵話自己嚟先😂因為同朋友等咗好耐，突然間有一對中年夫婦插隊，仲要勁大聲話自己係嚟先嘅(但等咗咁耐都未見過佢😅以為佢嚟先排隊喺附近行咗陣，點知店員後尾同我哋講唔好意思🙂所以小心啲留意同埋問清楚店員，如果唔係就要再等，呢一點差少少，派籌就可以解決呢個問題🙃(冇辦法有時就會遇到啲咁冇品嘅人🍴雞皇意 $100 (7.5/10)係用天然無激素雞柳、白菌、忌廉、墨西哥辣椒汁，分量正常，雞柳煎到金黃色，有雞肉嘅香味亦都唔會太乾，以雞胸來講算係唔錯，意粉煮得啱啱好有忌廉嘅香味之餘又帶少少辣，香口得嚟幾過癮，有奶香creamy又惹味，幾好食嘅！🍴 新奧爾良烤卡彊雞腿 $125 (8/10)即叫即整，要等大約25分鐘，用咗天然無激素雞腿配自家製紅椒醬、麵包、烤蔬菜~真心雞髀係食得出係靚雞髀，肉質彈牙又有香味，有肉汁，雞肉好嫩滑，個醬好特別，香辣得嚟幾香香料味，但唔會太濃味，個汁好似用咗紅椒甘筍去整，麵包質感偏硬有香味，比較有咬口嗰一種，吸咗汁
因為同朋友等咗好耐，突然間有一對中年夫婦插隊，仲要勁大聲話自己係嚟先嘅(但等咗咁耐都未見過佢😅以為佢嚟先排隊喺附近行咗陣，點知店員後尾同我哋講唔好意思🙂所以小心啲留意同埋問清楚店員，如果唔係就要再等，呢一點差少少，派籌就可以解決呢個問題🙃(冇辦法有時就會遇到啲咁冇品嘅人
🍴雞皇意 $100 (7.5/10)
係用天然無激素雞柳、白菌、忌廉、墨西哥辣椒汁，分量正常，雞柳煎到金黃色，有雞肉嘅香味亦都唔會太乾，以雞胸來講算係唔錯，意粉煮得啱啱好有忌廉嘅香味之餘又帶少少辣，香口得嚟幾過癮，有奶香creamy又惹味，幾好食嘅！
🍴 新奧爾良烤卡彊雞腿 $125 (8/10)
即叫即整，要等大約25分鐘，用咗天然無激素雞腿配自家製紅椒醬、麵包、烤蔬菜~真心雞髀係食得出係靚雞髀，肉質彈牙又有香味，有肉汁，雞肉好嫩滑，個醬好特別，香辣得嚟幾香香料味，但唔會太濃味，個汁好似用咗紅椒甘筍去整，麵包質感偏硬有香味，比較有咬口嗰一種，吸咗汁之後好好食，蔬菜都好新鮮爽口，真心呢個雞髀係幾好食嘅但就貴咗少少咁啦🤣🤣
🍰 焙茶蕃薯麻糬芝士蛋糕 $60 (7.5/10)
用咗九久小山園焙茶、日本蕃薯、自家製麻薯，芝士偏酸但都芝士都好香濃，焙茶味好出，質感比較濕潤黏口，麻薯好煙韌番薯甜甜地，整體來講唔係好食得出番薯味，焙茶同番薯好似唔係特別夾？但整體來講都幾好食😋
☕️牛奶咖啡 $45 (7.5/10)
牛奶咖啡有三種咖啡豆俾你選擇，有兩種比較偏酸嘅fruity，一種比較偏果仁味嘅nutty，咁我就揀咗nutty。咖啡入口好順滑，好香濃嘅咖啡味，奶味都好出好香，飲完會有少少微苦，但唔係好飲得到果仁嘅味道，如果凍咗飲嘅話就會偏酸，但整體來講都唔錯！
推薦指數: 7.5/10
食物質素係OK嘅，價錢都唔算貴，坐得都幾舒服，都可以試吓嘅~
Post
