睿海御宴 (Closed)

二訪到Dynasty Cove, 今次試吓佢哋promote梗既精選四人盛宴。打頭陣有佢哋嘅四季老火湯，足料，冇味精。家鄉煎蠔烙煎得好香，唔係太油膩。主菜有遠年陳皮焗肉排同籠仔糯米蒸羔蟹。兩樣都係佢哋嘅signature，水準都算係keep倒。隻羔蟹啲羔好香，但係今次個糯米飯就有啲過濕同太黏身。套餐仲有個魚湯杞子浸翠苗同惹味脆皮雞半隻。另外我哋仲加多咗個蝦子柚皮同金蠔。尾聲有番薯糖水，好正嘅薑味，煲得好入味。總括來講，係美味嘅一餐👍🏻。佢哋唔係有太多張枱，所以去之前記過book定位先。