Video
Read full review
2020-05-01
922 views
大坑既Niku Niku坐落街角，從餐廳時尚感十足既外觀已經散發出一絲高傲嘅特質，彷彿同大坑其他餐廳與眾不同，的確Niku Niku既和牛實在頂級。上一次食Niku Niku係2017年，niku niku嘅價錢定位屬於$401-800，當時仲係一個迷途小書童，當然負擔唔起咁昂貴嘅晚餐。幸好當時係eatigo見到Niku Niku既名字出現，而且有50%拆扣😝，結果我能夠食到我認為可以作最後晚餐嘅和牛橫膈膜厚切😍。今次再次來臨Niku Niku，我既身份已經變了，從學生哥成為上班族，身邊仲多咗女朋友。今日藉着拍拖週年同女友光顧Niku Niku☺️。Niku Niku一共有兩層，我地同上次一樣坐係地下，地下有三枱，環境十分舒適。職員首先送上三款醬汁，分別是酸汁、味噌同自家調製既醬汁。- 梅酒on rock Niku Niku特選既梅酒易入口，但唔會死甜，味道更香醇，配和牛一流。- 特上和牛小排一碟有四片，職員建議燒至五成熟，甚至生食😨。和牛小排油脂分佈超平均，肉質柔嫩，而且之後既After taste好強烈，不過我更期待油脂入口即化既感覺。- 和牛尾湯麵🍜職員推介我地石頭鍋飯同和牛尾湯麵
上一次食Niku Niku係2017年，niku niku嘅價錢定位屬於$401-800，當時仲係一個迷途小書童，當然負擔唔起咁昂貴嘅晚餐。幸好當時係eatigo見到Niku Niku既名字出現，而且有50%拆扣😝，結果我能夠食到我認為可以作最後晚餐嘅和牛橫膈膜厚切😍。
今次再次來臨Niku Niku，我既身份已經變了，從學生哥成為上班族，身邊仲多咗女朋友。今日藉着拍拖週年同女友光顧Niku Niku☺️。
Niku Niku一共有兩層，我地同上次一樣坐係地下，地下有三枱，環境十分舒適。
職員首先送上三款醬汁，分別是酸汁、味噌同自家調製既醬汁。
- 梅酒on rock
Niku Niku特選既梅酒易入口，但唔會死甜，味道更香醇，配和牛一流。
梅酒On Rock
$85
14 views
1 likes
0 comments
- 特上和牛小排
一碟有四片，職員建議燒至五成熟，甚至生食😨。和牛小排油脂分佈超平均，肉質柔嫩，而且之後既After taste好強烈，不過我更期待油脂入口即化既感覺。
特上和牛小排
$390
25 views
0 likes
0 comments
- 和牛尾湯麵🍜
職員推介我地石頭鍋飯同和牛尾湯麵，我地揀左後者，拉麵幼身煙韌，牛尾超級軟稔，另外牛尾湯用左五小時炮製而成，難怪湯頭咁清甜，散發陣陣和牛香味。
和牛尾湯麵
$165
26 views
0 likes
0 comments
- 和牛橫隔膜厚切
除左Niku Niku之外，我係其他燒肉餐廳從未見過呢款肉。橫隔膜預先用芝麻同獨特醬汁醃製，所以横隔膜帶點香甜既味道。食落油脂唔多，唔會有入口即溶既感覺，但肉味非常香濃，肉汁鮮甜。
和牛橫隔膜厚切
$445
9 views
0 likes
0 comments
- 特上和牛肉簿切配蛋汁
雞蛋係燈光下仍然晶瑩剔透，蛋黃輪廓清晰 ，可見餐廳對雞蛋都非常講究。放上燒爐時可以清晰見到和牛肉薄切完美嘅雪花分布，聽到油脂爆發既吱吱聲已經令人垂涎欲滴，職員喺燒烤過程冇加上任何醬汁，原汁原味先係最重要。
特上和牛肉簿切配蛋汁
$499
8 views
0 likes
0 comments
味道真係無懈可擊，入口即化不在話下，油脂非常豐富，而且油脂香係口腔一直徘徊，令人回味無窮。職員喺燒烤嘅時候同我分享左一個趣聞，話曾經有個姨姨一口氣食咗三大碟特上和牛肉薄切，我一開始覺得非常誇張，但親身品嚐之後，我覺得一切都有可能🤣
值得一讚係職員既貼心，職員主動幫我地燒烤，和牛既生熟程度更加理想。
今次能夠品嘗更多和牛既菜式，和牛橫膈膜厚切仍然係我既其中一個favourite，但特上和牛肉簿切配蛋汁更加驚豔，我強烈建議大家必定要叫以上兩款菜式。
Post
