Video
Read full review
2018-10-17
199 views
家姐出左bonus請食飯，咁我一於唔客氣喇😆。假期前夕特別多人出街食晚飯，唔想同人迫，所以去左大坑食，貪哩到無銅鑼灣咁多人，可以靜靜地慢慢享受。今次揀左Warren哩間法國西餐廳，餐廳裡面燈光好暗，幾有feel幾浪漫💕。餐包都有兩款 ，一款脆既，一款就軟身啲。不過最特別喺佢個黑松露牛油，黑松露味好重，令到整個麵包味道昇華。好開心哩到可以食到藜麥沙律，唔喺間間餐廳可以食到架！ 羽衣甘藍、牛油果🥑同藜麥既營養價值都非常高，一個沙律足以吸收哂一日需要既營養。羽衣甘藍加左青檸汁，食落酸酸地好清新，藜麥本身味道偏淡，不過經調味後再同牛油果一齊食，味道好好，口感煙煙韌韌幾得意。盤底有石春烘住帶子，可以保持食物既温度，邊食邊傾芝士都唔會變冷變結。帶子煮到岩岩好，完全唔韌。食完帶子，周邊既芝士同黑松露都唔會放過，因為一啲都唔膩又唔咸，好食。餐湯有兩款選擇，上面果款喺南瓜湯，下面喺洋蔥湯。南瓜湯就creamy啲，少少甜味，幾鮮。相反洋蔥湯就稀啲，味道重啲，好重洋蔥味，中間仲有個發水麵包，吸收哂湯既精華🤤，鐘意食濃味既朋友我會推介佢飲洋蔥湯👍🏼。飲埋個湯其實已經有七成飽，不過好戲在後頭，繼續食～🤤🤤🤤🤤哩
今次揀左Warren哩間法國西餐廳，餐廳裡面燈光好暗，幾有feel幾浪漫💕。
餐包都有兩款 ，一款脆既，一款就軟身啲。不過最特別喺佢個黑松露牛油，黑松露味好重，令到整個麵包味道昇華。
好開心哩到可以食到藜麥沙律，唔喺間間餐廳可以食到架！ 羽衣甘藍、牛油果🥑同藜麥既營養價值都非常高，一個沙律足以吸收哂一日需要既營養。羽衣甘藍加左青檸汁，食落酸酸地好清新，藜麥本身味道偏淡，不過經調味後再同牛油果一齊食，味道好好，口感煙煙韌韌幾得意。
盤底有石春烘住帶子，可以保持食物既温度，邊食邊傾芝士都唔會變冷變結。帶子煮到岩岩好，完全唔韌。食完帶子，周邊既芝士同黑松露都唔會放過，因為一啲都唔膩又唔咸，好食。
餐湯有兩款選擇，上面果款喺南瓜湯，下面喺洋蔥湯。南瓜湯就creamy啲，少少甜味，幾鮮。相反洋蔥湯就稀啲，味道重啲，好重洋蔥味，中間仲有個發水麵包，吸收哂湯既精華🤤，鐘意食濃味既朋友我會推介佢飲洋蔥湯👍🏼。
飲埋個湯其實已經有七成飽，不過好戲在後頭，繼續食～🤤🤤🤤🤤哩到既牛扒同羊架夠新鮮，所以無需太多調味，燒汁都只不過喺輕輕伴碟。微微淡淡既黑松露或者紅酒醬汁已經好足夠。
五成熟既牛扒好鮮，牛扒外面煎到少少焦香，裡面肉質仲好嫩滑多汁，牛扒切到細細塊，食既時候好方便，好貼心❤️。
同樣喺五成熟既羊架，煎法同牛扒一樣，煎到粉粉地色同樣鮮嫩，用刀輕輕一切肉骨輕易分離，食落一啲都唔韌又冇羊臊味。
仲有個薯仔（估🧐）伴碟，質感有啲似淋左既拿破崙餅底，口感頗有層次，幾特別😋。
Post
