Niku Niku (Closed)

無得飛日本回鄉嘅日子，唯有喺香港食下正宗日本嘢。呢間位於大坑嘅燒肉店，採用特上A5和牛，牛肉主要嚟自山形縣同大分縣豐後。餐牌上都好多牛肉部位選擇，亦有和牛燒肉拼盤。今次就點咗二人餐，包括前菜、火炙生牛肉、海膽生牛肉、和牛拼盤、牛尾湯麵同埋甜品。落單後好快就上咗柚子大根，係餐廳自製嘅漬物而唔係來貨。食落爽脆帶柚子香，非常清新泡菜拼盤有白菜、醃黃蘿蔔同青瓜。三種泡菜入面白菜比較辣，醃黃蘿蔔同青瓜就微辣幾開胃。食緊泡菜嘅時候海膽生牛肉就上枱喇。北海道海膽鮮甜creamy，同埋肥美嘅和牛刺身一齊放入口，係幸福嘅味道火炙生牛肉片表面用火槍輕輕燒過，令油脂香味更突出。配埋微酸嘅柚子醋，夾住生蔥同洋蔥絲一齊食，就算係和牛食落都唔覺肥膩。食完兩道和牛頭盤，仲有蕃茄沙律。沙律菜新鮮，沙律醬係芝麻醬。特選和牛5部位燒肉拼盤，每款有兩塊。分別係和牛小排(特選カルビ)、和牛西冷(特選ロース)、和牛西冷扒(特選ロースステーキ)、和牛臀肉(特選モモ肉)同埋 和牛柳肉中部(シャトーブリアン)。西冷同西冷扒霜降狀油花細緻，油脂豐富，口感柔軟。牛小排係我最鍾意食嘅部位，油脂分佈均勻，可以同時食到肉嘅鮮味同脂肪嘅美味。臀