溏串小町 (Closed)

餐廳：溏串小町 (大埔)地址：大埔翠和里5號麗和閣地下D1號舖返完中大，去咗大埔果頭搵嘢食，比我搵到呢間日式黃店——溏串小町，淨係睇佢地某社交平台都知佢地黃到一個點💛，就算遠都要支持懲罰吓💪餐廳佈置成居酒屋形式🏮，有唔少日系裝飾🇯🇵，好似日本漫畫同旗幟咁，充滿日本文化氣息，當然仲有唔少黃擺設啦🎗小町刺身定食 $148呢個定食真係好誇張😂，因為刺身嘅女朋友款色多得嚟，份量都好多！有三文魚、油甘魚、吞拿魚、劍魚腩、鯛魚、帶子、北寄貝、八爪魚🐙、馬刀貝、赤貝肉、海膽魷魚🦑、牡丹蝦🦐同埋玉子十三款，夾埋有超過20件，連海膽都有，呢個價錢都幾抵食👍。刺身新鮮，無雪藏味道，有咩唔食嘅仲可以同餐廳溝通一吓，相信都能夠滿足到大家。而呢個定食仲配埋中華沙律、麵豉湯同飯，就算男仔都唔使驚唔夠食😎午市仲可以用優惠價追加唔同嘅小食，我試咗個炸黑毛豬肉餅(加$12)，食落有濃郁黑毛豬香，雖然係炸物，食落香口但係唔油膩，蘸埋沙律醬都一樣咁好食😋另外仲叫咗杯熱蜂蜜柚子生薑茶($20)，係呢家咁凍嘅天氣飲真係暖笠笠又潤喉🥰