NeNe Chicken (大埔超級城) (Closed)

其實之前都食過呢一間以韓式炸雞做主題嘅餐廳，當中佢嘅炸雞真係同其他餐廳分別都幾大，以炸雞店嚟講佢哋嘅肉質真係比較嫩滑，最重要唔會乾，而近日返工食飯見到佢新開當然就叫埋同事一齊試吓新嘢啦。呢間店真係相當旺場，中午時段真係有超多人嚟食，餐牌方面就有好多款炸雞選擇，而且仲有不同嘅韓式主食提供。無骨雞件烤雞最後同事就叫咗呢個烤雞，老實講佢份量都幾多，而且我最鍾意佢嘅外表烤得相當脆身，內裡啖啖肉之餘亦超級嫩滑。其實食一碟烤雞已經超級飽。魚糕串清湯呢個冬天真係啱哂食呢個魚糕串清湯，因為食完真係暖粒粒，而呢個鍋入面有兩大大串嘅魚糕串，以及有好多不同配料。而佢個福袋亦相當出色，特別鍾意佢內裡有超多粉絲口感相當豐富。整體大埔呢間店食物水準都唔錯，值得番食。