A8's Cafe (Closed)

今晚同屋企人食飯，嚟左A8's Cafe，屋企人之前嚟食過Tea覺得幾抵食，話不如試吓晚餐。裏面裝修都OK，比茶餐廳靚啲，闊落啲!睇下餐牌，啲野食都幾平吓，沙律、肉類、漢堡、燴飯、意粉加$15可以升級轉套餐，有餐湯同餐飲。每周都會更新「本週廚師精選」，其實就係喺主餐牌揀八款嘢食做套餐，今個星期係$56-138，包迷你牛角包、廚師湯同餐飲，好似抵啲，又見啱食，我哋叫左兩款「本週廚師精選」。餐飲又可以加錢轉其他特飲。餐湯係雜菜紅湯，水準一般，唔夠熱。迷你牛角包都唔算迷你，幾大個，有牛油香味，微暖。【煙三文魚田園沙律餐$56】成日暴飲暴食，今晚叫左個沙律餐。一上枱「嘩~」一聲，好巨型，又大又多。有三件煙三文魚，好大塊，急不及待食左一塊先。奇怪個沙律唔係沙律菜，而係溫室豆苗、車厘茄、菠蘿、黃色同綠色Zucchini，間中轉吓口味都ok嘅。【招牌蜜糖芥末焗德國咸豬手餐$138】又係超大份，睇見已經好飽。外皮燒到好脆，仲脆到爆開。因為太大件有啲難切，店員都樂意幫我送返入廚房，叫廚房幫手切，好快就切好晒出嚟喇~切開就見到有一層脂肪層，好肥美，肉質煙韌，肉色粉嫩，唔會過嚡。蜜糖芥末醬必蘸，幾香蜜糖味，