A8's Cafe (Closed)

呢個cafe非常適合朋友聚會，餐廳有唔同既套餐所以入去試試我地6個人叫左個6人套餐，份量非常多，芝士薯條好好食，推介大家食，芝士唔會焗到過火候，有拉絲效果😍青口意粉，汁太多，如果少汁會比較好，味道適中豬鞍非常好食，一切落去肉汁流岀黎，好鬆化，醬汁非常配合非常推介大家黎，可以一班朋友傾計，環境唔會好嘈吵，而且價錢親民

今日去左大埔探男朋友 順便行下山 身為食肉瘦既我係勞動完之後當然要慰勞下自己啦 見到呢一間餐廳個餐牌有大大隻豬手就緊係我既至愛啦 好啦就入去試下啦首先就叫左一塊西冷牛扒 我地叫左五成熟 佢俾左塊七成熟既 但唔緊要啦都OK既 食落牛肉味又幾得喎 而且肉汁都幾多 唔太鹹 唔錯唔錯之後叫忌廉海鮮粉 濃濃既白汁同忌廉包住每一條粉 配上蝦 魷魚等食材 令成道菜式由平凡變成不平凡最後就到今晚既主菜 豬手啦 相對上呢隻豬手同出面食到既烤豬手差唔多 塊皮係好脆口 但係啲肉就略嫌乾身啲 但總體上仍然係一道唔錯既豬手

午市得一個廚師同一個樓面，慢唔係問題，態度差同卸波先係問題。落完餐十分鐘後先話你知其中一個餐得2個，另外2個要轉餐，冇問題，我地轉。1pm落晒單，等到1:20pm都冇野食，明明落單果時計埋我地得2枱客。好啦，1:25pm 9個人終於有6個餐到左，誰不知原來有個落錯單🙂1:30pm問下煮成點就不停話得一個廚師，叫我地體諒下。去到1:40pm我地再問幾時先有野食，就話我地遲嗌又轉餐要等下。十萬個問號出現左，明明係你冇check到得返幾多個餐要我地轉然後話我地遲嗌？你都幾好笑。明明咖哩係一早要預備嘅食材，你整左40分鐘都整唔到?即煲都唔使咁耐啦下話🙂之後樓面女人話你會唔會想食返岩岩15分鐘前出錯左果個餐？下？碟扒你放左15分鐘凍晒仲問人食唔食返？去到1:45pm仲爭一個All day breakfast，真係等唔到我地話要cancel。樓面個女人話咁你杯餐飲當正價$15咁計。一千萬個問號出現左，你比唔到餐lunch 人，等左45分鐘都黎唔到個餐，好意思收人錢？去到比錢環節，張單都仲係錯。真係好野👏🏻做唔黎就唔好開咁多張枱，要大家齊齊陪你虛渡光陰。

今天與愛人慶祝幸福時刻來到大埔美食之地-翠怡花園看到一間頗經濟的西餐廳，抱著中伏的心理準備帶著愛人勇敢前往餐廳佈置舒適，坐位也不錯，可以舒舒服服享用晚餐套餐很自由，按客人食量自選哪種套餐而且很抵食，真心少見自己會選擇多人套餐先來雜菜湯，非常稀，而且鹹味比酸和辣味重，非常少見可以稱得上難飲的雜菜湯飲幾啖就放棄了第一款小食選了田螺，田螺味道與肉質不錯但薯蓉非常稀，比pizza hut的薯蓉更差勉強吃得下第二小食選巴馬火腿，蜜瓜不錯，有甜味，但這火腿太差了吧肉質鬆，簡直像吃煙腩肉這是菠菜泡飯嗎？不，原來是帶子菠菜意大利飯，其實料理不十分差，但怎麼連芝士也不落，又水又稀的意大利飯實在少見，芝士不落，鹽倒是非常多，今晚真為我們的喉嚨和腎擔心帶子不太鞋，算是挽回一點到本人最愛脆皮豬手為這篇食評由本來想給劣變ok這豬手夠脆，肉嫩，鹹味是重但會不過分，筋位也非常淋，在本人對脆皮豬手的經驗中屬於中水平但價錢抵食薯條也夠脆夠香口如果配菜像圖片豐富就更好了最後甜品是窩夫，窩夫都可以整得難食，真心令人配服如果味道像pancake 倒還好，但這裡的窩夫味道竟然像麥記的甜筒餅皮，不是脆筒那種，一點蛋香也沒有，用料

今日係萬聖節，決定同家人出外吃飯，感受一下節日氣氛。所以就到大埔中心附近的美新里，A8 cafe，試吓新野。光看餐廳門面，已經感受到濃郁的節日氣氛，餐廳擺放着很多南瓜和萬聖節佈置，感覺舒適。我們二人坐在窗邊，完全感受到街外的萬聖氣氛！美國超頂級肉眼扒配薯菜$188肉眼扒我們點了七成熟，熟到剛剛好。裡面仍保持著粉嫩顏色，牛味濃郁，肉質比較腍身，幾嫩。再沾上牛肉汁，更添牛肉香氣。牛扒夠大塊，分量足夠二人分享。旁邊更有薯菜，薯條香脆無比，係粗薯喔。肉腸扁意大利粉$65價錢非常可觀，而且味道很不錯。肉醬味道濃郁，又香甜。蕃茄鮮味令每一條意大利粉都掛滿了醬汁，很惹味。材料更有脆皮香腸，配上濃郁滋味的番茄汁，香口無比。凍柚子茶餐廳完全毫不吝嗇，用上很多的䄂子醬，夠甜夠味！

大埔有一間精緻小cafe，之前一路想試下，今日難得同朋友食飯，就決定來這裏一試！未到萬聖節，餐廳已經充滿萬聖節南瓜佈置，感覺別緻，而且充滿節日氣氛！餐廳食物選擇很多，有沙律，小食，意粉，pizza，意大利飯等，通通都有。而且價錢平民化，適合一家大細簡單慶祝一下節日。意大利風乾火腿比薩薄餅$108薄餅是薄批底，加上濃郁滋味的番茄醬，非常香甜。另外有充滿香氣的風乾火腿，非常甘香。番茄醬濃稠，有鮮甜的番茄蓉，味道濃郁，很不錯。分享滋味拼盤 $98拼盤分別有炸魷魚，炸雞翼，炸蝦同炸薯條，份量都唔細。價值只是$98，很抵食！我最喜歡就是這個炸雞翼，非常香脆。而且不會乾身，皮脆肉嫩，有肉汁，熱辣辣的，非常香口。而炸蝦又夠彈牙。炸薯條更加唔使講，外脆內軟，著味香濃！香煎澳洲羊扒配薯菜$148羊扒不會騷，加上香草，食到羊肉的清香，肉更帶有些少筋，令肉質更香口。羊肉燒得剛剛好，有輕微的燒烤香氣，不錯！這間餐廳性價比幾高，價錢夠大眾化，而且份量都算多，一家人分享就啱晒！

今日朋友話想食西餐，見呢間幾靚，入去試下....估唔到會咁失望...價錢其實唔平，但個服務呢...叫左個意粉同個牛扒，再加個薯條同凍朱古力，主食要煮耐啲我都理解，但個小食同凍朱古力都可以早啲俾我地掛點知等左30分鐘先有個小食...仲要再等多20分鐘先上個意粉....現場見到除左我地之外，枱枱都等好耐，怎至落坐order..其實現場人唔多....都沒坐滿，點解個人手安排會咁差...好，講返野食...叫左個蟹柳蟹籽意大利粉....但個味道一啲都唔值$95....仲有個牛扒...叫七成熟...最後上五成熟....最後,連埋單都要夠300先可以碌卡🤦🏻‍♀️老實說...真是沒下次....

琴晚放工約左朋友起大埔食飯，book左7點半枱，可能係閒日啦去到間餐廳都唔算好爆😆入到去餐廳見到佈置左唔同既萬聖節裝飾，都幾有心思🤤入正題啦！餐牌好多選擇，睇到眼花繚亂😍不過本身今日已經好想食牛扒同ribs，所以就叫左塊五成肉眼扒同豬仔骨，另外加29蚊升級左個帶子南瓜湯同薯條🍟但結果佢黎到果時每個菜式都有配薯條😂塊肉扒好厚身有咬口😍叫左五成熟亦無過熟或過生，正。另外叫左ribs，上枱果時嚇親，因為太大塊了😂食左咁多野埋單都只係400左右😋😋好抵食，份量又多！

今日同男朋友入大埔玩，中午想食西餐野，於是搵到呢間餐廳，見d野食都便便地就入左去食🙊。餐廳雖然唔係好大，都臨近halloween有d裝飾，都幾有節日氣氛。我地叫左兩個小食，一個意粉同一個牛排。小食叫左炸雞翼同炸魷魚，炸物黎講都算唔錯，食落會話好多粉，而且熱辣辣，值得一食！意粉我地叫左個北海道蟹柳蟹籽奶油意大利粉，份量唔會話好細，而且幾足料，好重奶油味，配上蟹籽可能味道偏鹹少少，但幾重口味既我我地仲叫左個美國超頂級肉眼牛排，牛排唔會話太韌，質素都不俗。

好難食，鋪頭有一陣味服務態度差，有個疑似係老闆娘嘅人黑口黑面，係個侍應好啲我叫左個下午茶餐，窩夫質地似麵包，仲有陣香草味（鹹味），已經唔係好接受到諗住格硬食埋佢，食落酸酸地先發現廚師落錯左黑醋 (本應為朱古力醬)投訴左佢話換過俾我，我唔想再食，叫左個勁乾既雞比餐。埋單總數 $98, 俾 $100 佢 (應該係老闆娘)， 佢笑笑口同我講冇散紙，找返 $1 俾我我唔洗找還唔洗找，餐廳同我講冇散紙真係第一次！！好過份，以後都唔會食　

超級劣食！！！！ 6月份同朋友幫襯過，意粉上面啲蝦係臭咗嘅（未入口已經好大陣酸宿味，擺落口直情係臭嘅肉）俾老闆娘叫佢自己試吓，佢都覺得唔妥，之後佢話整過碟俾我地⋯⋯廚房表示可能解凍後放太耐。 好坦白嘅陳述。但我地已經唔想再食多次。其他嘢都好難食⋯⋯⋯🤦🏻‍♀️⋯⋯例如啲伴碟嘅沙律菜，未洗乾淨有啲黑色嘢（懷疑係沙土&昆蟲）就擺埋落去。整體而言性價比好低，附近嚟講好多嘢都好食過佢。都唔明點解會做到生意，似業餘興趣多啲，仲要收費唔平，碟意粉都要近百。Never ever

上兩個月黎試過，覺得好正，於是今日再黎，仲試下網上訂位，點知黎到侍應話唔知有訂位，但都俾左一張台但唔夠坐，叫我地等，不過都唔係等好耐，7點9坐低叫野，已經冇豬仔骨，冇闊面，算！叫牛排同豬排醃到冇晒味（上次黎食真係好正架！）個蜆肉意粉咸到爆，叫餐飲仲好笑，唔夠冰，只可叫3杯凍飲，冇檸檬，所有有檸檬既野都冇，連水都只有熱水供應。明明上次黎野好食，招呼又好，事隔兩個月就變晒？枉我仲專登帶屋企人黎試，真係有D失望！

晚市時間！訂左檯話唔知都唔緊要，無冰無所以凍飲.無檸檬.碟話唔夠.杯話唔夠.六款食物四款無！連餐具都可以話唔夠！真係沒法想像到會預到咁既食市！食物味道也一般。不是不突出

在餐廳附近工作完畢，事前已在apps訂位，想著平價的儲分兼休閒一個晚餐時間。卡邦尼意粉第一次吃到不同口味的卡邦尼意粉。像是白汁多於卡邦尼醬料。汁的味道與食物不混合，感覺分開另上的食物。套餐羅宋湯+蒜蓉包湯還湯味，菜還菜味，兩者沒有混和，不知有否一同在煲中滾過。蒜蓉包不像平常的蒜蓉味道，難道是自創食品 - 沒有蒜蓉味的蒜蓉??餐飲，附加錢點了少冰薄荷朱古力朱古力粉未完全融和，薄荷味很少，感覺是匆匆了事。餐廳環境佈置反而有心思，食物的話......如果只做街坊生意的話，尚可接受，若然只想有個舒適的地方Hea一回，亦是不錯的選擇，最保險可以點叫一杯飲品而已。

晚餐訂咗枱，四個人去食飯，咁我同另一個朋友準時去到坐住先，叫咗個沙律食住等。落單時已經有啲奇怪，店員小姐一開始已經黑面，我舉手時佢係無打算過行埋黎，只係企喺個counter度抬高頭望住我等我講要咩，而我係坐喺成間餐廳距離counter最遠嗰張枱。沙律到，刀叉等餐具喺櫃桶有，但無碟，叫佢佢先黑口黑面去攞，攞杯水又係咁，我都唔知我做錯啲咩。有一兩次送餐黎時大大力掉落枱，啲服務衰過一般茶記，連table都係我自己set. 之後，飲完杯水諗住叫加水，佢話每人只有一杯免費嘅水！佢見枱面有三杯，咁佢就拎多一杯黎。唔緊要，一杯就一杯。正要飲時霎眼見到杯中有個影，再望一望，嘩！杯水係污糟嘅！我再舉手，佢又係企喺counter度愛理不理咁望住我，我忍唔住大聲講：「杯水污糟呀！」成間餐廳啲人望住佢，佢死死地氣埋黎收走，一句唔好意思都無，拎返入廚房仲聽到佢發脾氣掉杯，然後從無打算拎過第杯水畀我哋。最後講返啲嘢食，個海鮮risotto只係普通撈咗白汁嘅飯、焗龍脷柳飯同豬手係ok嘅。