東記上海麵

Open Now

Now Closed

東記上海麵，喺大埔開業多年，之前嘅舖位一路喺街市上面，依家開咗分店喺廣福道。假期晚上去，唔算多人，亦都唔使排隊，即刻點返佢嘅名物就係炸豬扒同埋炸雞翼啦。炸豬扒上枱嘅時候大大份，比較厚身，可惜唔係新鮮炸起，雖然豬扒炸得比較脆，但係冇咗熱度都係比以前冇咁好食。雞翼同樣大大隻，但炸粉厚身令到炸雞翼比較硬，同豬扒一樣炸雞翼都係凍咗，所以都係比較懷念以前新鮮炸起熱辣辣嘅味道。嚟呢度一定要食粗麵，大家可以選擇配榨菜或者雪菜，店家比嘅份量一啲都唔手軟。加多個時菜仲可以中和炸物嘅油膩感。大家可能係中午人流較多嘅時候黎，食物嘅流轉度比較快，可以食到新鮮炸起嘅食物。但要留意，中午來可能要排隊哦～