Homeland (東昌街) (Closed)

話咁快又到星期日，今日又同老公偷走出去嘆個美味午餐，睇過好多介紹「Homeland」既文章，知道佢以手造意粉出名，今日特別想食西餐，所以北區兒童特登黎左大埔食Lunch.星期六日都有lunch set做緊，每個main course都送沙律同飲品。🥩香煎美國安格斯牛肩膀扒首先想講佢d配菜包括粟米芯、翠玉瓜茄子同菇炒得勁惹味，超級熱辣辣，伴碟仲有牛油薯蓉，勁香；講番主角塊扒，美國係特別重肉味，牛肩膀都好淋口，雖然佢比落order既五成熟熟多左少少，不過仍然十分juicy.🍝蒜香辣椒炒大蜆意大利粉Homeland手造意粉比一般意大利粉粗身同偏黃，賣相似油麵，食落就似上海粗麵口感，好特別。唔好睇相以為冇乜大蜆，其實全部喺晒意粉底又大隻又新鮮，呢個蒜蓉辣椒意粉比我想像中偏辣少少，如果怕辣就可能要揀第二樣喇，不過辣得過癮又惹味，正！🍗柚子蜜雞翼食完個辣意粉，酸酸甜甜嘅雞翼就可以中和返個辣味啦。呢個柚子蜜雞翼面頭嘅醬係真係好似飲緊柚子蜜，炸又炸得香脆可口，食完飲杯凍檸茶好滿足。最後講下個環境，大埔Homeland分左兩層，多人可以坐上層，又有吧台位，四周掛滿壁畫，好岩同屋企人朋友聚會。