Dionysus (Closed)

今日難得放假，就同左媽咪喺大埔食嘢。上網見到大埔開咗間新既西餐廳即刻帶媽咪一齊去食，可以打卡之餘又可以氹吓媽咪開心。環境好靚，喺度食嘢都幾舒服。佢有兩層我就喺上面嗰層食lunch。我哋每人叫咗一個lunch set。餐湯係南瓜湯。佢呢個湯同平時餐廳飲嗰啲南瓜湯有啲唔同，甜得來再帶啲鹹香味，幾好飲。頭盤係華道夫沙律，佢個沙律除咗有沙律菜仲有蘋果同埋梨，再加啲nuts，feel到好有心機整好好食！我叫咗個香煎時令魚配香茅忌廉汁伴法式薯蓉，個三文魚好新鮮，配埋個薯蓉一齊食好creamy好滑。呢個法式香草烤羊肋扒配紅酒汁伴薯蓉，賣相好靚，佢個羊扒表面煎得好脆，啲肉都好Juicy！甜品係藍莓芝士蛋糕同埋芒果mousse。兩個都各有特色，芝士蛋糕唔甜但係芝士味幾重，個慕絲好滑加上淡淡芒果味好香。