Video
Read full review
2021-01-06
1296 views
蔡潤記去大埔周圍都有一間魚蛋粉，個個大埔友總有一間心水魚蛋粉念念不忘，仲意佢浸味同魚蛋唔再話下，仲有由細食到大既⋯人情味。今日為大家介紹係大埔魚蛋粉三甲之一既蔡潤記，記得係東昌街個間蔡潤記，唔係「新蔡潤記」，大家唔好搞亂呵。朋友係大埔友，誠意推介呢間蔡潤記魚蛋粉，唔怪之得成日都咁多人排隊，點解一碗魚蛋粉可以有咁多人排隊？等我去試下先。我試係一碗淨魚蛋，老闆好快手，唔洗兩分鐘就上左魚蛋，有魚蛋、炸魚片同埋炸魚蛋，用上牛腩湯底，一粒粒白色魚蛋浮係棑色既湯上面，配少少蔥花，望落已經好吸晴。第一口當然會飲湯先，牛腩湯但唔係好油，再食埋粒魚蛋，牛腩湯同魚蛋又出奇地夾，一啲違和感都無，魚蛋好有魚既鮮味，粒粒彈牙爽口，唔係廢話，因為隱約間仲見到半掩到門入面有人打魚整魚蛋，真材實料既魚蛋，當然係魚蛋有魚蛋味，唔係平時急凍魚蛋個種質素。再試下魚片，都係好彈牙有魚味，佢既魚片係每日手工做，細細塊既魚片出面炸左，多左一種香口。我見好多食客會食牛腩面再加碗淨魚蛋，大家下次黎都可以試下。據聞佢既牛腩面都好出名。食完魚蛋叫左支玻璃樽既可口可樂，因為出面唔係成日有架，玻璃樽既汽水特別多氣好飲，大家見到都可以叫番支爽
去大埔周圍都有一間魚蛋粉，個個大埔友總有一間心水魚蛋粉念念不忘，仲意佢浸味同魚蛋唔再話下，仲有由細食到大既⋯人情味。
今日為大家介紹係大埔魚蛋粉三甲之一既蔡潤記，記得係東昌街個間蔡潤記，唔係「新蔡潤記」，大家唔好搞亂呵。朋友係大埔友，誠意推介呢間蔡潤記魚蛋粉，唔怪之得成日都咁多人排隊，點解一碗魚蛋粉可以有咁多人排隊？等我去試下先。
我試係一碗淨魚蛋，老闆好快手，唔洗兩分鐘就上左魚蛋，有魚蛋、炸魚片同埋炸魚蛋，用上牛腩湯底，一粒粒白色魚蛋浮係棑色既湯上面，配少少蔥花，望落已經好吸晴。
第一口當然會飲湯先，牛腩湯但唔係好油，再食埋粒魚蛋，牛腩湯同魚蛋又出奇地夾，一啲違和感都無，魚蛋好有魚既鮮味，粒粒彈牙爽口，唔係廢話，因為隱約間仲見到半掩到門入面有人打魚整魚蛋，真材實料既魚蛋，當然係魚蛋有魚蛋味，唔係平時急凍魚蛋個種質素。再試下魚片，都係好彈牙有魚味，佢既魚片係每日手工做，細細塊既魚片出面炸左，多左一種香口。
我見好多食客會食牛腩面再加碗淨魚蛋，大家下次黎都可以試下。據聞佢既牛腩面都好出名。食完魚蛋叫左支玻璃樽既可口可樂，因為出面唔係成日有架，玻璃樽既汽水特別多氣好飲，大家見到都可以叫番支爽一爽，好爽皮。
呢間魚蛋粉回頭率好高，講真30幾蚊既魚蛋唔算特別便，但你食過就會知物有所值，有時美食係你比錢都食唔到，有機會食就真係要食多幾碗
Post
