鈞壹居 (Closed)

話說小妹都住左大埔咁多年,都會成日係番大埔度覓食好野架,同埋好多人都會特登由九龍入黎大埔食tim丫,但真人既,大埔真係好多好好食既野,今日收工約左大埔朋友食飯,行下行下就見到哩間位於大埔南盛街19至23號南盛閣4號舖名叫鈞壹居既西餐廳,見到門口已經好多人等位,又好似好吸引,因為之前朋友都介紹過話好好味,所以一直都好想試,等左大約15mins就好快有位啦!個餐湯係跟白湯,好好飲丫,好香濃的口感,好正!個牛排真係好味到泊得住出面成千蚊塊個肉質,好新解的牛,又好厚身,好juicy咬落去,煎得岩岩好,口感紮實,必點!我係咖哩怪,緊係一定要點個咖哩蛋包飯,個咖哩汁好香濃又唔會太spicy,好香好味!炸魚柳好香脆新鮮,好滑的魚柳!仲要勁多飯囉,真係好抵食!