Video
Read full review
2024-06-01
767 views
大埔區一向有唔少餐廳小店，做得出色嘅餐廳一直都唔少，而果子就係其中一間性價比非常之高嘅餐廳小店。餐廳地理位置優越方便，環境開陽，枱同枱之間嘅距離適中，坐得舒適。午市有好多個套餐可以選擇，當日就試咗佢最推介嘅海南雞飯同埋喇沙。海南雞非常嫩滑，雞肉唔會太肥，而海南雞嘅醬汁亦十分齊全，配合海南雞滑滑嘅雞肉令人有如置身於星加坡。至於飯方面可選油飯或白飯，要是正宗海南雞嘅味道當然要食油飯，油飯香味十足，一定唔會令你失望。而另一個午市套餐就點了海鮮喇沙，海鮮喇沙裏面嘅海鮮一啲都唔少，大蝦都有兩隻，配合埋唔少蜆肉同埋配菜，加上非常多嘅油面同米粉撈埋嘅摻摻，一個女仔真係唔會食得晒。性價比非常之高。午市套餐可以加配小食，當日兩個套餐加咗兩個小食同朋友share。第一個小食就點咗馬拉盞通菜，通菜份量非常之多，醬汁唔會過鹹，健康之選。另一個小食就揀咗南乳雞翼，雞翼醃得入味，而且焗得香脆，鍾意食雞翼嘅朋友可以試一試。午市套餐包飲品，呢度有唔需要特色飲品可以選擇，加少少錢已經可以飲到唔同嘅特色飲品。當日一杯嗌咗天葵青檸梳打，夏日透心涼。另一杯比較驚喜嘅係黑糖珍珠奶茶，奶茶味道非常之好，比得上街外一般嘅手搖飲品店
餐廳地理位置優越方便，環境開陽，枱同枱之間嘅距離適中，坐得舒適。
午市有好多個套餐可以選擇，當日就試咗佢最推介嘅海南雞飯同埋喇沙。
海南雞非常嫩滑，雞肉唔會太肥，而海南雞嘅醬汁亦十分齊全，配合海南雞滑滑嘅雞肉令人有如置身於星加坡。至於飯方面可選油飯或白飯，要是正宗海南雞嘅味道當然要食油飯，油飯香味十足，一定唔會令你失望。
而另一個午市套餐就點了海鮮喇沙，海鮮喇沙裏面嘅海鮮一啲都唔少，大蝦都有兩隻，配合埋唔少蜆肉同埋配菜，加上非常多嘅油面同米粉撈埋嘅摻摻，一個女仔真係唔會食得晒。性價比非常之高。
午市套餐可以加配小食，當日兩個套餐加咗兩個小食同朋友share。第一個小食就點咗馬拉盞通菜，通菜份量非常之多，醬汁唔會過鹹，健康之選。
另一個小食就揀咗南乳雞翼，雞翼醃得入味，而且焗得香脆，鍾意食雞翼嘅朋友可以試一試。
午市套餐包飲品，呢度有唔需要特色飲品可以選擇，加少少錢已經可以飲到唔同嘅特色飲品。
當日一杯嗌咗天葵青檸梳打，夏日透心涼。另一杯比較驚喜嘅係黑糖珍珠奶茶，奶茶味道非常之好，比得上街外一般嘅手搖飲品店。
Post
