富山居 (Under Renovation)

今日朝頭早做完運動 行過大埔想食早餐 見到呢間日式居酒屋竟然有早餐 一於去試吓睇吓好唔好食先🙈牧場烤多士+香滑炒蛋 +蕃茄肉碎通粉 配: 豬柳漢堡/法蘭克福腸/韓式午餐肉 可以選擇一款呢個早餐非常豐富 多士烘到脆卜卜 唔會太窿 反而好有咬口 滑蛋好嫩滑 蛋味好重 再加上我最鍾意食嘅法蘭克福腸😍呢個早餐真係冇得彈！番茄肉碎通粉都係我嘅至愛 蕃茄味好濃郁 通粉好入味 份量都好大 食完都飽到唔想食lunch🙈同行嘅仲叫咗另外一個餐吉列魚柳 + 香滑炒蛋 + 輕量級蕃茄肉碎通粉 吉列魚柳炸到脆卜卜 魚肉好嫩滑新鮮 再配埋沙律醬一齊食真係好正 香滑炒蛋好滑 有蛋味 真係食完仲想再食啊👍🏻估唔到大埔竟然有啲咁高質嘅早餐！下次做完運動一定要再過嚟試🙈