富山居 (Under Renovation)

其實早餐午餐食左好多次，就攞尋日晏晝食過鰻魚飯做個食評，68蚊鰻魚飯真係正，鰻魚厚切米飯飽軟口感好，仲有旁邊的配菜蘿白同豆角都好味，我個囡差唔多成碗食晒。我自己食既日本义燒拉麵，個豬骨湯好味濃郁，叉燒口感軟腍，唔好忘記佢只係58蚊，你响大埔中心或者出面基本都78蚊以上，仲有服務好好，見有小朋友主動比碗仔仲可以加飯，真係大埔帶住小朋友食日本野諗都唔使諗就嚟呢間。問過呢間係以前菁泉雅苑果間富山，唔怪得咁正。