Video
Read full review
2020-07-04
206 views
上次經過呢間新開張的餐廳，見到裏面都好多人食嘢，就諗住下星期要過嚟食吓😋咁岩今日經過，見到裏面有張吉枱，就衝入去拎位啦！一坐低，望到份餐牌，已經花多眼亂啦！因為真係有好多嘢食，例如沙律啦，都已經有10款，真係揀咗好耐先落單不過最後我哋都冇叫到沙律，因為見到有另一個菜仲吸引，就係呢個啫啫通菜煲！一打開個煲蓋，裏面啲菜汁仲係起晒泡，非常滾，熱辣辣咁食好惹味！友人就想飲椰青，我就反而怕飲凍野，所以叫咗一杯薑蜜，成杯薑蜜都好大杯喎！仲好夠薑味！通菜食到咁上下，主菜就到啦！係期待已久的咖喱炒大蜆，本身其實想叫咖喱牛腩，不過去其他泰菜館好少有得叫炒蜆，所以就想喺呢度叫嚟食下！粒蜆肉真係大到你唔信呀！而且咖喱甜甜地，配埋個薄餅食就一流啦！薄餅好香脆㗎，又夠厚，放到入口仲係熱辣辣㗎！呢個串燒拼盤又係值得一讚，因為佢配上兩個醬汁，一個係酸酸地嘅泰式辣醬，一個係沙嗲醬，有兩款醬汁可以交替去點，一個開胃，一個濃郁，真係好正啊！最後食埋呢個香芒蟹肉炒飯就夠晒飽啦！飯裏面原來都好多芒果肉㗎！風味十足，簡直好似去咗泰國一樣🤣星期五晚成間餐廳都坐滿人，不過我見到裏面仲有好多枱，就算要等位都唔會要等好耐，呢間木屋大排
一坐低，望到份餐牌，已經花多眼亂啦！因為真係有好多嘢食，例如沙律啦，都已經有10款，真係揀咗好耐先落單
不過最後我哋都冇叫到沙律，因為見到有另一個菜仲吸引，就係呢個啫啫通菜煲！一打開個煲蓋，裏面啲菜汁仲係起晒泡，非常滾，熱辣辣咁食好惹味！
啫啫通菜煲
18 views
0 likes
0 comments
友人就想飲椰青，我就反而怕飲凍野，所以叫咗一杯薑蜜，成杯薑蜜都好大杯喎！仲好夠薑味！
薑蜜
17 views
0 likes
0 comments
通菜食到咁上下，主菜就到啦！係期待已久的咖喱炒大蜆，本身其實想叫咖喱牛腩，不過去其他泰菜館好少有得叫炒蜆，所以就想喺呢度叫嚟食下！
咖哩炒大蜆
21 views
0 likes
0 comments
粒蜆肉真係大到你唔信呀！而且咖喱甜甜地，配埋個薄餅食就一流啦！
薄餅
15 views
0 likes
0 comments
薄餅好香脆㗎，又夠厚，放到入口仲係熱辣辣㗎！
串燒拼盤
21 views
0 likes
0 comments
呢個串燒拼盤又係值得一讚，因為佢配上兩個醬汁，一個係酸酸地嘅泰式辣醬，一個係沙嗲醬，有兩款醬汁可以交替去點，一個開胃，一個濃郁，真係好正啊！
香芒蟹肉炒飯
27 views
0 likes
0 comments
最後食埋呢個香芒蟹肉炒飯就夠晒飽啦！飯裏面原來都好多芒果肉㗎！風味十足，簡直好似去咗泰國一樣🤣
星期五晚成間餐廳都坐滿人，不過我見到裏面仲有好多枱，就算要等位都唔會要等好耐，呢間木屋大排檔真係要bookmark低，再encore呀
Post
