NeNe Chicken (大埔超級城) (Closed)

平時好少食韓國菜，朋友推介大埔有幾間韓國菜啲菜式都幾出色，今晚就跟朋友去開餐。餐廳以黃白色為主，感覺很潔淨簡約。餐牌有木板為底板，攞上手睇更方便，一頁一頁打開餐牌，原來食物款式都幾多。朋友先叫了燒酒 真露，每人一小杯試吓，味道又幾易入口。芝士炒年糕拌拉麵-食親韓國菜都必叫食物之一，用熱辣辣嘅鍋上，能夠保持溫度，而且賣相好吸引，厚厚的芝士鋪滿面，旁邊還有多種配料，包括洋蔥、雞蛋等，食落去公仔麵好入味，小小辣好滋味。鮑魚海鮮辣豆腐鍋，足夠二至三人食嘅份量，飲一啖湯有好鮮甜嘅海鮮味道，豆腐質感滑溜，海鮮份量都幾多，飲完絕對唔會驚頸渴。還有人蔘雞湯，非常滋補，個胃即刻亂笠笠哂！最後還叫了金大人串燒拼盤，拼盤非常豐富，當中嘅雞翼外皮帶一點脆口，正！女士最期待嘅甜品時間到了，Order了綠茶雪花冰，賣相好靚，好似有幾朵花花係綠茶雪花冰上面，綠茶粉鋪滿雪花冰上面，食落去甜甜地帶一點苦澀味道。總括而言，位於大埔區來說這一間餐廳算是有質素的韓國菜，所以下次會再相約幾個朋友一齊食過！