木船泰國粉麵專門店 (Closed)

今日黎到大埔食飯，揀左呢間木船泰菜。大埔真係好多泰菜館，而呢間木船睇個門口咁多人等位都知唔惹少。今日去到食lunch，餐廳除左有set lunch，重可以加小食，我地叫左汁燒豚肉飯、汁燒牛肉飯，另外小食有鳳爪沙律、炸蝦球同埋炸單骨雞翼。先講下set lunch，除左main既飯之外，另外重有湯同前菜，重有細細舊布朗尼應該係甜品。湯可以揀冬蔭功／肉丸湯，前菜有凍豆腐同炸魚餅，而主菜汁燒豚肉飯就好香，大大塊燒豚肉舖係面，加埋切好既青瓜條，食落一來有口感，二來唔會覺得肥膩。而汁燒安格斯牛肉同樣出色，內藏溫泉蛋一飯，撈飯食就一流。小食方面，炸單骨雞翼有6隻，算係幾抵。鳳爪沙律，酸酸辣辣好開胃，配埋無骨鳳爪胃口大增，炸蝦外脆內軟，而且加左粟米增加口感。最後就係炒通菜，鑊氣十足。