富山居 (Under Renovation)

我有個老友係大埔住，諗住就反佢近近地係附近食個靚早餐🥰結果佢帶咗我嚟大元街市美食廣場呢間富山居😁餐廳好舒適，好有日本簡約風格😜🎌望一望個餐牌價錢幾抵食。我叫$35牧場烤多士加火腿炒蛋配沙嗲牛肉麵。呢個沙嗲牛肉麵湯底係用日式豬骨湯，聽員工介紹湯汁係自己烹調，所以味道特別濃郁🤤🤤仲有佢個火腿炒蛋係用幾款蛋溝埋去做嘅炒蛋，食得出係特別香滑同埋濃郁🥰🥰冇諗過呢間早餐咁有水準，$35可以食個咁滋味同咁抵食嘅早餐，員工仲話佢呢度嘅午餐都好不錯，真係要搵個機會再嚟試試佢😙😙