Video
Read full review
2021-03-09
299 views
拉麵店既格局好日本，用「達摩」做主題，成間舖頭都擺滿左好多唔同既「達摩」，其實我都唔係好知達摩係咩，淨係知佢個樣望落好似不倒翁咁。拉麵既選擇都好多，除左最常見既味噌湯底、醬油湯底、豚骨湯底呢啲之外，竟然仲有叻沙湯底同埋牛乳湯底，比較少係拉麵店見到。呢度既拉麵有得自己揀要幼麵、粗曲麵定係烏冬，配料都有得揀要豚腩、豚肩、豬軟骨、牛肉定係野菜，自由度幾高。 1️⃣北海道3.6牛乳湯底 （$88）一坐低就見到佢係廚房出面張吧台擺左成排3.6牛奶係度🥛咁我諗佢呢個牛乳湯底應該都係佢比較招牌既選擇，於是就揀左佢，同埋係其他拉麵店都未見過呢款拉麵🍜一於試下。我揀左豚肩、粗曲麵。佢既粗曲麵唔算係好粗，有少少捲曲咁，食落去好掛湯。配料方面，豚肩有兩塊，每塊都幾大塊，厚度都夠，唔會好薄。溏心蛋好好味，中間既生熟程度啱啱好，同埋佢食落有陣酒香，非常出色。 個湯底方面，飲落有陣奶香，同佢面頭既黑松露同埋蟹籽撈勻之後，另成個湯底既味道更加濃郁，唔單止有黑松露既香味，一路飲湯一路食麵既時候，仲會食到啲脆脆既蟹籽，好有口感，亦都令成個湯底更加有層次感😌我自己就好鍾意。同埋佢個牛乳湯底，食落唔會有種好油膩既感覺，奶香加
1️⃣北海道3.6牛乳湯底 （$88）
一坐低就見到佢係廚房出面張吧台擺左成排3.6牛奶係度🥛咁我諗佢呢個牛乳湯底應該都係佢比較招牌既選擇，於是就揀左佢，同埋係其他拉麵店都未見過呢款拉麵🍜一於試下。我揀左豚肩、粗曲麵。佢既粗曲麵唔算係好粗，有少少捲曲咁，食落去好掛湯。配料方面，豚肩有兩塊，每塊都幾大塊，厚度都夠，唔會好薄。溏心蛋好好味，中間既生熟程度啱啱好，同埋佢食落有陣酒香，非常出色。 個湯底方面，飲落有陣奶香，同佢面頭既黑松露同埋蟹籽撈勻之後，另成個湯底既味道更加濃郁，唔單止有黑松露既香味，一路飲湯一路食麵既時候，仲會食到啲脆脆既蟹籽，好有口感，亦都令成個湯底更加有層次感😌我自己就好鍾意。同埋佢個牛乳湯底，食落唔會有種好油膩既感覺，奶香加黑松露蟹籽既味，唔會太濃太鹹，食完都唔會有罪惡感，最尾我成碗湯都飲曬🤤呢個湯底好啱啲唔鍾意重口味既人。
2️⃣黑蒜油湯底（$82）
呢碗揀左豬軟骨烏冬，豬軟骨有兩大舊，好厚身好大舊，食落好滿足。湯底方面，第一啖飲落覺得唔錯，黑蒜油味係有既，都係香既，但係略嫌唔夠濃味，黑蒜油既味道唔夠出。覺得呢個湯底係正常其他拉麵店食到既味道，不過不失。 3️⃣北海道男爵薯餅（$32）
熱辣辣即炸起，炸得好脆，但係出面唔會有油笠笠既感覺，點埋沙律醬食一流。
Post
