茶點

Open Now

Now Closed

因為疫情，無得去旅行，宅在大埔，多咗發掘附近有咩異國風味嘅餐廳，今次試下台灣的外賣自取。茶點主打肉操飯，另外有麵類，夜市小食同埋多種台式冷熱飲品，下午2點到6點仲有提供下午茶餐。酥炸豬扒肉操飯($58)賣相超正！除咗有一大塊炸豬排外仲有配上肉操，鹵水蛋同菜。厚身的豬扒炸得好脆，炸漿薄，不油膩，豬扒依然鬆軟又juicy。肉操啱哂我呢啲唔鐘意食白飯嘅人，加強咗炸豬扒嘅味道。個飯嘅份量好舒適女仔，男仔嘅話加多個小食就剛剛好。炸豆腐($18)肉操飯可以追加一款特價小食，見個飯比較多肉，所以揀豆腐balance 下。豆腐炸到外脆內軟，豆腐仲好juicy，唔係太油，配上自己調製嘅蒜頭醬油汁可以豐富返豆腐單調的味道。招牌珍珠奶茶(跟餐免費)叫咗少甜少冰，覺得甜度剛剛好，奶茶屬於偏茶味濃的，珍珠偏軟身。桂圓紀菊茶($24)天氣凍好啱女仔飲的養生熱飲，甜度適中，聞落菊花味非常濃郁。