Video
Read full review
2021-04-07
2969 views
【新開無耐已經人流不絕👩👩👧👧大埔精緻菜式有誠意法式小餐館🇫🇷】前排得知大埔開咗間好有質素嘅法國餐廳，見到午市套餐比晚餐平上一大截，$89起，有前菜/湯、主菜、甜品、飲品，主菜選擇又多，所以就揀咗日黎試下佢地嘅午餐🥳平日下午大概兩點半去到，餐廳都喺坐滿哂，不過啱啱過咗lunch hour,好快就有枱😎依間餐廳面積唔大，但有兩層，裝修簡約而優雅🤓牆上會有掛畫，亦有壁爐打卡位置，仲有一張好法式宮廷feel嘅枱😂而佢地都遵從咗法國菜嘅擺碟定律，勁大個盤配細細份嘅食物，令到食落淡淡都覺得好珍貴😹侍應都着哂恤衫，而且好好服務，喺大埔依度比較少走依個路線嘅餐廳🥸—《 #煙花女大蝦意大利粉》$89 ⭐⭐⭐⭐見到個名咁得意，落單果時問侍應煙花女係咩黎，原來係一個故事嚟嘅🤪google咗一下，呢道菜起源於法國一個妓女完事後，利用僅有既簡單食材，煮一味意粉比恩客醫肚🤣呢味咁辛酸既意粉用左橄欖、鯷魚、酸豆、蕃茄等簡單食材，不過出黎既味道比一般既蕃茄大蝦意粉濃郁有層次，而且有少少辣，唔知男大廚煮唔煮得出正宗嘅味呢😂最特別嘅喺佢個意粉比一般既粗，口感獨特，昇華左成道菜😋—《 #法式香蒜豬脾仔配牛肝菌汁》$
前排得知大埔開咗間好有質素嘅法國餐廳，見到午市套餐比晚餐平上一大截，$89起，有前菜/湯、主菜、甜品、飲品，主菜選擇又多，所以就揀咗日黎試下佢地嘅午餐🥳平日下午大概兩點半去到，餐廳都喺坐滿哂，不過啱啱過咗lunch hour,好快就有枱😎
依間餐廳面積唔大，但有兩層，裝修簡約而優雅🤓牆上會有掛畫，亦有壁爐打卡位置，仲有一張好法式宮廷feel嘅枱😂而佢地都遵從咗法國菜嘅擺碟定律，勁大個盤配細細份嘅食物，令到食落淡淡都覺得好珍貴😹侍應都着哂恤衫，而且好好服務，喺大埔依度比較少走依個路線嘅餐廳🥸
—
《 #煙花女大蝦意大利粉》$89 ⭐⭐⭐⭐
見到個名咁得意，落單果時問侍應煙花女係咩黎，原來係一個故事嚟嘅🤪google咗一下，呢道菜起源於法國一個妓女完事後，利用僅有既簡單食材，煮一味意粉比恩客醫肚🤣呢味咁辛酸既意粉用左橄欖、鯷魚、酸豆、蕃茄等簡單食材，不過出黎既味道比一般既蕃茄大蝦意粉濃郁有層次，而且有少少辣，唔知男大廚煮唔煮得出正宗嘅味呢😂最特別嘅喺佢個意粉比一般既粗，口感獨特，昇華左成道菜😋
—
《 #法式香蒜豬脾仔配牛肝菌汁》$98 ⭐⭐⭐⭐
豬仔脾一共有3舊，肉質軟熟，時間火喉控制得啱啱好👍🏼牛肝菌汁亦同豬仔比好搭配，再夾埋配菜薯蓉食，好開胃😽不過豬仔脾唔夠肥美，如果選用更肥美既一定更好食😺
(見到隔離枱叫咗個$238 牛仔骨deluxe lunch set，上枱個個都望住佢碟嘢超吸引，好後悔無叫😿大家唔好錯過😾)
—
《 #三文魚凱撒沙律》 ⭐⭐⭐⭐💥
《 #法式青豆湯》⭐️⭐️⭐️💥
頭盤可以揀沙律或湯，各有特色😋沙律份量雖然好少，煙三文魚只有三四塊細嘅😟但各種蔬菜都好Fresh，食到佢地既爽口鮮甜😙再加上少少酸醋汁既點綴，真係恨不得佢大兜啲😖
而青豆湯冇想像中既草青味，平時唔中意青豆嘅小編都覺得好飲，飲落每一啖都有豆衣，有咬口，有D似蔬菜湯😛
—
《 #朱古力芝士蛋糕》⭐⭐⭐️💥
套餐嘅甜品只有好細嘅一塊芝士蛋糕，但對於已經食完主菜嘅小編其實份量都夠😌成道甜品擺碟優美，底下既黑朱古力粉令整個蛋糕更濃朱古力味，亦唔會一味得死甜，為成個course劃上一個perfect ending☺️
Post
