Video
Read full review
2022-05-19
21 views
平時經常都會去大埔揾好嘢食，呢排真係好想食日本嘢呀，之前聽過一位朋友話食過廣福道呢間良鮨性價比高，仲要好近巴士站，交通真係好方便好易揾到。於是就約埋岩岩踩完單車黎到大埔嘅朋友仔一齊黎食喇！我地今次係坐喺bar枱位置，好有omakase嘅感覺，可以睇住師傅整嘢食～呢度點餐係Scan QR code落單，非常方便。同時都有實體menu，可以睇到大張啲嘅圖，超正。除咗刺身、手捲、壽司、燒物之外，仲有小食同埋丼飯等等，好想每樣都簡啲，哈哈～我地之後就叫咗各種壽司捲物同埋一啲串燒同埋小食。我重點簡咗炙燒和牛壽司、炙燒帆立貝壽司、炙燒三文魚壽司、日本海膽壽司、厚燒肉子～因為叫咗都幾多款下，重點分享下我最鐘意嘅幾種先。首先入口嘅係炙燒和牛壽司，和牛入口即溶，牛嘅油加上醬料同肉汁真係出色，除此之外仲有好香嘅火炙味！因為我勁鐘意食炙燒，所以叫咗好多款炙燒類嘅，之後依然係炙燒～帆立貝壽司。帆立貝大大粒，貝類嘅嗰種甜味真係好出，好好味。之後仲有重點講嘅就係海膽，佢有加拿大同日本嘅海膽簡，我地就簡嘅就係日本海膽，一啖過咁食，咬落去海膽嘅鮮味喺口入面爆出黎，好creamy，最重要係完全唔腥，可以感覺到係好新鮮，
我地今次係坐喺bar枱位置，好有omakase嘅感覺，可以睇住師傅整嘢食～
呢度點餐係Scan QR code落單，非常方便。同時都有實體menu，可以睇到大張啲嘅圖，超正。
除咗刺身、手捲、壽司、燒物之外，仲有小食同埋丼飯等等，好想每樣都簡啲，哈哈～
我地之後就叫咗各種壽司捲物同埋一啲串燒同埋小食。我重點簡咗炙燒和牛壽司、炙燒帆立貝壽司、炙燒三文魚壽司、日本海膽壽司、厚燒肉子～因為叫咗都幾多款下，重點分享下我最鐘意嘅幾種先。
首先入口嘅係炙燒和牛壽司，和牛入口即溶，牛嘅油加上醬料同肉汁真係出色，除此之外仲有好香嘅火炙味！
因為我勁鐘意食炙燒，所以叫咗好多款炙燒類嘅，之後依然係炙燒～帆立貝壽司。帆立貝大大粒，貝類嘅嗰種甜味真係好出，好好味。
之後仲有重點講嘅就係海膽，佢有加拿大同日本嘅海膽簡，我地就簡嘅就係日本海膽，一啖過咁食，咬落去海膽嘅鮮味喺口入面爆出黎，好creamy，最重要係完全唔腥，可以感覺到係好新鮮，就係超好味，之後回味咗好耐先捨得飲杯熱茶！
除咗壽司想特別講，仲有玉子燒都係好好味，蛋香同醬汁融合得好好，三粒真係唔水夠喉，好想再食多啲哈哈。
除咗重點想分享嘅之外，仲食咗好多嘢，最後同朋友做咗最後先離開嘅食客，哈哈，美食加埋一樣識食嘅朋友一齊食，真係會更加好味～
總括黎講，呢度嘅食材新鮮，性價比高，下次如果喺大埔又想食日本嘢嘅時候，都會想再過黎食多次！
Post
