萬利小食店

Open Now

Now Closed

今日難得係大埔出沒，梗係要去萬利幫襯下，萬利車仔麵歷史悠久陪過好多大埔人既成長，相信住係大埔老一輩既居民無人唔識。自己大大話話都有幾年無食，唔知依家變成點呢？餐廳係舊式嗰啲小食店款，店內只有幾張枱，小食店到晚上就會係門口多開幾張木枱。雖然咁多年無幫襯，但估唔到無嘜點加價，一麵兩餸都只係 $24 蚊，價錢真係平到黎哂地。呢度既秘製辣醬幾好食，鐘意食辣既朋友仔可以試下，今次叫咗牛腩豬腸豬紅河粉 ; 豬腸乾淨無異味，而且幾肥美吓，牛腩同豬紅都好正，雖然價錢咁貼地，但麵既份量一啲都唔孤寒，真係可以用平靚正黎形容，另外門口重有腸粉、魚蛋、燒賣、生菜魚肉、碗仔翅果啲賣。